استضاف الإعلامي عمرو الليثي الفنان باسم سمرة في برنامج “واحد من الناس”، وتحدث خلال الحلقة عن دوره وتفاصيل مشاركته في فيلم “عمارة يعقوبيان” الذي أثار الجدل بشكل كبير.
وقال باسم سمرة خلال لقائه: “الفيلم ده هو تقريبًا سبب شهرتي أنا وخالد الصاوي رغم إنه كان محل انتقاد، مش أي حد يعمل الدور ده، لازم تكون واثق من نفسك ومتمكن من أدواتك علشان تعمله، وشخصيتك قوية علشان كمان بعد الدور تقدر تواجه الناس”.
وأضاف: “مكنتش قلقان من الدور، يكون معايا عادل إمام وأقلق!، ده مصر كلها كانت في الفيلم أساسا”.
باسم سمرة عن دوره في “عمارة يعقوبيان”: “الزعيم أشاد بيا ودي حاجة عظيمة”
وأشار سمرة الى تجسيده لدور آخر قائلًا: “أنا قريت الرواية بتاعت علاء الأسواني وكان نفسي أعمل دور ابن البواب اللي عمله محمد إمام لكن لما جه المخرج مروان حامد قال لي هتعمل دور عسكري الأمن المركزي وهو كان تقريبا البطولة الموازية لابن البواب، في الأول اتخضيت لكن لما قريت كويس لقيت الدور ده أصعب وهو اللي هيسيب علامة والأستاذ عادل إمام أشاد بيا إشادة عظيمة يعني”.
وفي هذا السياق عُرض فيلم “عمارة يعقوبيان” عام 2006 وحقق نجاحًا كبيرًا وشارك في بطولته نخبة متميزة من نجوم الوسط الفني أبرزهم عادل إمام، نور الشريف، إسعاد يونس، محمد إمام، باسم سمرة، هند صبري، أحمد بدير وغيرهم ومن إخراج مروان حامد.
