ذكر الفنان محسن محي الدين، عن اعتزال زوجته نسرين الفن و قرار ارتداء الحجاب، مؤكدًا إلى أنهم لم يأخذوا برأي أي شيخ حول هذا الموضوع وحتى لم يذهبوا إلى الشيخ الشعراوي.
وقال محسن محي الدين خلال استضافته في برنامج كلمة أخيرة مع الإعلامية لميس الحديدي قائلًا: “كنا في حفلة عيد ميلاد شريهان وكانت لسه متجوزة علاء الفاسي وكل الفنانين حضروا الحفلة، و استوقفنا إن الناس اللي موجودة عمالة تنتف في فروة شيريهان فنسرين بصتلي وقالتلي ايه ده؟ يعني شيريهان عزماهم ومكلفة وعاملة حفلة حب، وسألتني إحنا زي الناس دي؟ قولتلها لا فقالتلي يلا قوم”.
وتابع: “قالتلي انا مش عايزة الزيف ده، انا عايزة اتحجب فقلت لها ياريت، وسبحان الله أول ما واحدة مشهورة تقول انا هقف الفرق كلها بتجري عليها، وكلهم حاولوا معانا زي البرهانية والشاذلية والصوفية والإخوان لأن محدش فيهم قالنا حاجة وإحنا اللي أخدنا القرار وقفلنا الباب ده لأننا عارفين حديث إن كل ما يكون في فرق كل ما الدين ضاع”.
وأضاف محسن محي الدين: “أن تلك الفرق تأخذ جزء من المنهج وتجعله منهجًا خاص بها دون بقيته، لافتًا إلى أنه قرر هو وزوجته أن يبحثوا عن الدين بأنفسهم، قعدنا نقرأ ونفهم ونعرف واكتشفنا حاجات كتير جدًا، ومكنش في مساعدة من أي حد خالص وربنا سبحانه وتعالى بيقول: (والذين جاهدوا فينا لنهدينهم سُبلنا)، جاهدوا فينا معناها اللي بيحاول يتعرف على ربنا مقالش إن فلان هو اللي هيهدي ومقالش سبيل واحد قال سُبلنا”.
واستطرد: “احنا قفلنا على نفسنا ونسرين حفظت القرآن وقعدنا نقرأ الأحاديث ونعرف في الفقه ونعرف ايه المطلوب مننا بظبط و ايه، إحنا فاهمين الدين غلط فاهمين إنه صلاة وصوم الموضوع مش كده خالص إحنا بنمتحن إمتحان أساسي وهو العدل هي دي الأمانة اللي ربنا نزلها علينا وإحنا قبلناها كبشر”.
وأضاف أن الله تعالى قال: “إنا عرضنا الأمانة على السماوات والأرض والجبال فأبين أن يحملنها وأشفقن منها وحملها الإنسان إنه كان ظلوما جهولا”، لافتا: “عكس الجهل، العلم وعكس الظلم، العدل يبقى إحنا نازلين نتعلم إزاي نعدل زي في المواريث ومعاملة العدو والمجتمع لازم نعمل حاجات معينة عشان كده قالوا إن النبي صلى الله عليه وسلم ماسبتناش حاجة إلا وعلمه لنا”.
واختتم حديثه أن زوجته قد تركت العمل في مجال الفن بينما هو استمر فيه، ولكنه عمل في أفلام الكرتون، مشيرًا إلى أن: “في هدف إني أعلم الأطفال الأخلاق والمسؤولية واحترام المواعيد وكان وقتها برامج الأطفال وقفت والحاجات دي مابقتش تتقدم في التلفزيون و بدأنا نستورد كارتون اجنبي بمفاهيم مش مظبوطة ولقيت ابني بيتفرج عليها وقلت انهم بيحطوا السم في العسل زي دلوقتي فبدأت أكتب حاجات للأطفال”.
