طلت الفنانة نيكول سابا في ضيافة الإعلامية الكبيرة منى الشاذلى في برنامجها “معكم منى الشاذلى” الذى يتم إذاعته عبر شاشة CBC الفضائية.
وتحدثت نيكول سابا عن فتره زواجها وماحدث في هذه الفترة كما تحدثت عن دور السوشيال ميديا في زواج الفنانين وقالت بأن السوشيال ميديا منذ عشر سنوات لم تكن مثل ما عليه الآن وكان زواج الفنانين غير معتاد.
ردت نيكول على سؤال الإعلامية منى الشاذلى حول أخذها للحياة الزوجية بجدية عام 2011 قائلة:” في 2012 صح، في رأيي أن الجواز إلتزام وبالذات لما يبقي معاكي أطفال بتفرق مش بس فكرة جواز قد ما هي فكرة أن عندك أطفال ده بيأخد منك وقت واهتمام ومتابعة”.
وأكملت حديثها وقالت:”السفر أكيد للي بتشتغل مش هيبقي سهل زي اللي شغلها قريب منها ومن بيتها في نفس بلدها غير السفر”.
وقامت منى الشاذلى بطرح سؤال جديد:”يوسف الخال ونيكول سابا أتنين من المشاهير هل هذا سبب لك ضغط على حياتك الأسرية”.
نيكول سابا :”في الأول كان بعد كده اتأقلمنا لأن لما تزوجنا مكنش السوشيال في توهج مثل الآن مكنتش حياة الفنانين كتاب مفتوح على الملئ كده خالص كان في نموذج أحمد حلمي ومنى ذكي أول ناس في جيلنا كانوا متزوجين كفنانين والباقي مكانش فيه”.
وتابعت قائلة:” ولما تزوجنا كان في مؤيدين ومعارضين كان في نموذج كده اللي هو أتنين مشهورين أكيد لايقين مش لايقين هيتأقلموا لا مش هيعرفوا يكملوا هيغيرو وأكيد شويه وهيطلقوا وهي عايشه في مصر وهو في لبنان وهو نجم أكيد هيمنعها تمثل هيك أكيد مش هتخليه يمثل كان فيه جدل شويه للموضوع فكان تحدي بالنسبة لينا أن نعرفهم أن أها في أتنين مشاهير لا هيغيرو على بعض مش من بعض وأها أتنين ناجحين متواضعين وشكلهم مقبول وأكيد بيتعرضوا للشغل مع نجوم فيها أي لما ننجح المؤسسة دي والحمدلله صار لنا عشر سنين متزوجين والخير في اللي جاي أن شاء الله “.
وتحدثت منى الشاذلى عن فرح نيكول سابا وعودتها للتريند مرة ثانية وفصحت نيكول عن الأغنية التى قدمتها هي وزوجها في فرحهم كنوع من الابتكار في وقتهم.
وقالت نيكول:”إحنا عملنا أغنية في الفرح “وهج العشقي”، وكانت باللغة الفصحي وكانت حالة في هذه الفترة وكانت فكرة أنك تعملي أغنية لفرح دلوقتي مش حاسين بيها وشايفين أنه عادي لأن كل شئ بقي عادي والدنيا بقي كل حاجه ليها”.
منى الشاذلى نيكول: “عرفت أن كان فيه تفاصيل غريبة في فرحك”
تحدثت نيكول عن هذا اليوم وقالت:”كان عندي حادثة مش حلوة يوم فرحي أن بابايا دخل المستشفى فكان عندي مزيج من الفرح والحزن مع بعض لأن والدي مش موجود وعربية الإسعاف جت أخدته الصبح وكملنا اليوم الفرح في الكنيسة ورحتلوا المستشفي بالفستان علشان يشوفني وشويه فايق وشويه مش حاسس بس أنا عملت ده علشان ضميري يبقي مريحني أن هو يشوفني بالفستان عروسه”.
وأكملت نيكول: “فى اليوم مكنش لطيف خالص وتوفي والدي بعدها ب4 أو 5شهور”.
وتابعت:” أنا حياتي مش دايمًا بتيجي بالساهل معايا لازم اتعب وده حلم لأن ربنا لازم يديكي على قدر ما تتحملي لأن ربنا بيدكي اللي تقدري تشيله وبيصعبها على البني أدم يبقي قادر أنه يمشي في المصاعب وقوة تحمل وخبرة “.
وعن الحرب الأهلية في لبنان قالت:”عيشت أواخر الحرب وأفتكر دخل قذيفة اللي بيتنا وكنا نروح دار الأيتام وفكراها الحرب فـ الواحد قلبه بقا خلاص نفسنا كـ لبنان نعيش في سلام وعيالنا والجيل اللي جاي”.
