الفن نيوز

مصطفى كامل في برنامج حبر سري: “كله كان بياكل عيش على قفا عمرو دياب”


حل النجم مصطفى كامل ضيف الإعلامية أسما إبراهيم في برنامج “حبر سري”، وذلك عبر قناة القاهرة والناس.

وتحدث الفنان مصطفى كامل عن أشياء في حياته الشخصية وعن رأيه في أغاني المهرجانات وعن علاقته بالفنان عمرو دياب والفنان محمد فؤاد، وعن قصة أغنية الملاك البريء.

تحدث الفنان مصطفى كامل عن الفنان عمرو دياب قائلًا:”عمرو دياب ده لو إنتِ شوفتيه أتعمل فيه أي في الأول، كان كله بيأكل عليه عيش، النهاردة عمر فين، بقا قصة تانية، من أعز الناس لقلبي ومن أعز صحابي على قلبي عمرو دياب، أنا كتبتله ٣ أغاني “متفكرنيش بالعمر اللى أنا ضيعته معاك، أوعدني أنك في بعدى عنك هتفتكرني، الملاك البريء”.

وروى لـ أسما إبراهيم قصة أغنية الملاك البريء وعلق قائلًا:” القصة أني أذكي مطرب كان في حياة مصطفى كامل وكنا محسوبين على بعض أني إحنا كوبل وربنا يديم بيننا الحب والاحترام والصداقة أنا والفنان محمد فؤاد، وطبعًا كان محمد فؤاد في الوقت ده كان ماضى مع نصر محرس يعني أنتي بتتعاملي مع أتنين مافيا، وكان في أنا في الألبوم ده عامل أغنية كداب مغرور، الحب الحقيقي، لا يا قلبي سيبك، أوقات معاكي يا دنيا بعيش، فـ أنا حاسس أني كده تمام مقفل الدومنة زى ما بيقولوا، فـ محمد قالي أي يا درش الجديد، قولتله أني في أغنية اسمها الملاك البريء، فـ نصر قالي بتاعتنا أي حاجه حلوة كانوا عاوزين يخدوها، المهم خرجت، وقولت هما أزاى بيقدروا يجبوني كده أنا كنت ذكي فوق الخيال، وعمري ما طرحت في دماغي فكرة أني يوم فرحي أعمل أغنية لمراتي”.

وأضاف:” فـ روحت الاستوديو بسجل فوق فـ طلعلي حميد الشاعري وقالي يا كابو أنت بقالك كتير أنت وعمرو مشتغلتوش، أنت مش هتعزم عمرو دياب قولتله مش بحب أعزم حد، وميجليش قالي

أزاى أنت مجنون ده عمرو، المهم نزلت لعمرو قولتله وقالي مفيش حاجه كده، وهما كانوا بيقفلوا الألبوم، قولتله في أغنية الملاك البريء، وقالي هتديني الكوبلية أمتي قولتله بكرة قالي أزاى وفرحك قولتله هجبهالك بكرة، وفعلًا وأنا في الكوشة خرجت برا بلبس العريس، وسافرت وعمرو كان بيسجل وأنا كنت بكمل كوبليهات أغنية الملاك البريء”.

اترك تعليقاً

لن يتم نشر عنوان بريدك الإلكتروني.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!