يقوم مهرجان القاهرة السينمائي الدولي برئاسة النجم حسين فهمي بتكريم المخرج المجري الكبير بيلا تار، كما يقدم تار ورشة عمل للمخرجين للاستفادة من خبرته الكبيرة في مجال الإخراج السينمائي.
ونشرت القناة الرسمية للمهرجان على موقع الفيديوهات “يوتيوب” مقطع فيديو للمخرج أمير رمسيس، المدير الفني للمهرجان، يكشف فيه عن تفاصيل ورشة تار بالمهرجان.
وقال رمسيس الفيديو: “الفكرة جت من تكريم أو الرغبة في تكريم بيلا تار ومنحه career achievement award، بحكم إنه واحد من أهم المخرجين الأوروبيين خلال الـ30، 40 سنة اللي فاتت، ما ينفعش نذكر أهم 100 فيلم في تاريخ السينما العالمية من غير ما نذكر كذا عمل ليه”.
وعن كيفية التواصل مع تار، قال:” تواصلنا معاه من خلال مخرج مصري صديق درس في إحدى الورش اللي كان بيدرس فيها، والحقيقة هو رحب جدًا إنه يتواجد في المهرجان، بس قبل التكريم كان حريص إنه يبقى موجود بشكل فـ علي”.
وتابع: “اتبسط بالتكريم، بس قال أنا كمان عاوز أعمل workshop مع مجموعة من السينمائيين الشباب المصريين، عشان وجودي يبقى له إفادة، يمكن ناس كتير عارفة إن بيلا تار شغوف بالتدريس، وبيدرس في أكتر من جامعة في ألمانيا كمان حاليًا”.
وأكمل: “ابتدينا نشتغل على concept الورشة اللي هي الحقيقة موجهة للمخرجين اللي في بداية الطريق، بس خلينا نقول المخرجين اللي عاملين تجارب قصيرة أو محدودة، لأن هي دي وسيلة التصفية الوحيدة اللي بيلا تار اشترطها”.
وواصل:” لأنه هنشوف الأفلام دي بنفسه، وهو اللي هيختار المجموعة من المخرجين اللي هيشتغل معاهم خلال الورشة، واللي هينتج عنها مجموعة من الأفلام القصيرة اللي هيتم تطويرها وتصويرها خلال الورشة بإشرفه، فهي ورشة بالأساس موجهة للمخرجين”.
وعمّا إذا كان أحد يرغب في الانضمام للورشة ممن ليس لديهم أعمال سابقة، قال رمسيس: “الورشة بالمدى الطويل بتاعها موجهة للناس اللي عندها تجارب حتى لو محدودة قبل كده”.
ولفت: “بس بيلا تار كمان موجود معانا في master class مفتوح مدته ساعتين هيقام في آخر أيام الورشة، وده ممكن الجمهور يحضره، الـfilmmakers، الصناع سواء ليهم أو لأ”.مردفًا: “هيبقى متاح ليهم يسألوه ويسمعوه وهو بيتكلم بشكل عملي عن أفلامه وعن الصناعة عمومًا، فالمجال هيبقى مفتوح تمامًا خلال الـmasterclass ده”.
وأتم المخرج أمير رمسيس: إحنا في مرحلة فلترة الـapplications اللي اتقدمت واللي هي لازالت عددها كبير جدًا، فلتر بيلا صعب بس هو مهتم يشوف كل الحاجات اللي اتقدمت والفيديوهات بنفسه، عشان يقرر مين المجموعة الـ matching أكتر إنهم يشتغلوا مع بعض.
يذكر أن مهرجان القاهرة السينمائي الدولي في دورته الـ44، يقام خلاب الفترة من 13 وحتى 22 نوفمبر القادم، ويشهد المهرجان برئاسة النجم حسين فهمي تكريم المخرج العالمي بيلا تار، النجمة لبلبة والمخرجة كاملة أبو ذكري.
