الفن نيوز

أمل إبراهيم تكشف سر غضبها من فاتن حمامة

حلت الفنانة القديرة أمل إبراهيم ضيفةً مع الإعلامي دكتور عمرو الليثي بحلقة الأمس من برنامج واحد من الناس، والمذاع عبر فضائية الحياة.

وخلال الحوار تحدثت أمل عن خلافها مع سيدة الشاشة العربية فاتن حمامة، وقالت: “معجبتش المخرجة، لأن مدام فاتن قالتلها إزاي تلبس منديل بقوية، وإزاي تلبس كده اللبس ده”.

وأضافت: “قولت لها بنت البلد بتلبس كده، فبصت لاقيتها هي مدام فاتن، كانت ماشية قالت ليا إنتِ تعالي، مين لبسك اللبس ده؟، قلت لها أنا، قالت ليا جيباه منين، قالتلها من البيت، قالت لي محبش حد معايا يلبس كده، قلت لها الدور يا مدام فاتن، قالت لي أيوة الدور، بس أنا فاتن حمامة، أنا اللي بقول كل حاجة”.

وتابعت أمل: “فبقول للأستاذة، قالتلي آه لازم نسمع كلامها، فقلت لها حاضر وسكتّ، فمن فوق قل لي الملحوظة، بس مش لازم تفتحي التوبات كده، وتقولي علنًا كده تعالي يمين، آجي يمين، ارجعي بقى شمال شوية حاضر”.

وأردفت: “أنا عندي طولة بال بس لحدود، تعالي بقى أرجعي مكانك الأولاني، حاضر جابتني من أول الترابيزة تاني، أنا قلت أمشي شوية، قلت لها قد إيه طيب؟، قالت لي يعني عدي لي كده 2 سم، 4 سم”.

وواصلت: “قولتها طيب ابعتي لي مسطرة، عشان أقيس وأعلم كده وأبص للعلامة وبعدي، إنتِ بتتريقي عليا، قلت لها لأ لا سمح الله، أنا جاية لشغل مش عايزني قولي لي مش عايزاكِ، وبعدين قلت يا بت ملكيش نصيب فيها”.

وأكملت: “فكنت صورت يوم واحد، اتهموا بنتي بسرقة غويشة وآدي المشهد، ومع ذلك ذاعته، طيب ذعتيه ليه لما إنتِ مش مؤمنة بيا”، وعن غضبها من فاتن، أوضحت: “أوي، عشان ه بطلت أتفرج عليها”، ليطلب منها الليثي أن تسامحها، قائلًا: “سامحي مدام فاتن حمامة بنفس راضية، بما إننا في حلقة لوجه الله”.

لتعلق أمل: “حاضر”، ليسألها الليثي: “سامحتيها، بنفس صافية؟”، فأجابت: “من قلبي”، متسائلةً: “ليه بقى، ليه إنت مهتم بمدام ؟”، فقال: “لا أنا بحب الواحد يعفو، عشان ربنا يعفو عنه”، لتعلق: “يارب يا أخويا يارب”.

واستكملت: “ده أنا في الكعبة دايمًا بقول الجملة دي”، ليعلق الليثي: “دايمًا بقولها لما حد يكون زعلان من حد، دي الجملة اللي عملتها لي أمي، قالت لي يا ابني سامح عشان ربنا يسامحك، والله أنا لما لقيتها في كتاب القرآن ركعت”.

أمل إبراهيم ليست أول فنانة يقع بينها وبين فاتن حمامة خلاف

يشار إلى أن هذه ليست الأزمة الأولى، التي تنشب بين حمامة وأحد الفنانين، حيث كان الفنان أحمد صيام قد أشار إلى خلافه الوحيد خلال مسيرته الفنية ببرنامج واحد من الناس، كان مع حمامة.

موضحًا أن ما فعلته سيدة الشاشة العربية فاتن حمامة حمامة معه كان سلوكًا ليس منضبطًا مهنيًا، وكشف أن المسلسل الذي كان سيشاركه به هو مسلسل “وجه القمر”.

حذف مشاهدها في عائلة الحاج متولي

كما تتطرقت أمل للحديث عن دور جواهر في مسلسل “عائلة الحاج متولي”، قائلةً: “اتقص، ده اللي زعلني، أصل قل لي”، ليسألها الليثي: “ده مين اللي شال الدور ده؟”، فأجابت: “المؤلف أستاذ مصطفى محرم، رغم إنه ابن السيدة”.

ليوجه الليثي سؤالًا لأمل، قائلًا: “لمتيع، ليه شلت دوري بعدما صورتيه؟، فردت: “لأ قلتها له في السيدة، قابلته كان واقف على الرصيف مستني تاكسي، قلت له مش حرام عليك إنك تقصني؟”.

وأوضحت: “قال ليا أصل الأستاذ نور الشريف معندوش وقت، وعايز يخلص ويخش على شغله مع الستات بتوعه، طيب ما أنا شغلي لحد ما أجوز بنت أختي، اللي هي عايدة رياض، بعمل لها أعمال وأبخرها علشان تتجوزه”.

يذكر أن الفنانة أمل إبراهيم كان قد تم تكريمها من مهرجان القاهرة للدراما، برئاسة عملاق الدراما العربية دكتور يحيى الفخراني، الرئيس التنفيذي للمهرجان.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!