حوارات

محمد عز لهافن: “العمل مع رانيا يوسف وسمية الخشاب في فيلم “التاروت” ممتع للغاية”

حوار: نورهان مجدي الغنام

محمد عز ممثل شارك في الكثير من الأعمال وجسد العديد من الشخصيات آخرها شخصية “عزام” في مسلسل “العائدون” الذي تم عرضه في الموسم الرمضانى الماضي 2022، من إخراج أحمد نادر جلال، تأليف باهر دويدار.

ويقوم محمد حاليًا بتصوير فيلم “التاروت” برفقة سمية الخشاب ورانيا يوسف، الفيلم من إخراج محمد نشأت، إنتاج بلال صبري، تأليف معتز المفتي، وأقامت مجلة هافن حوار خاص مع محمد عز.

إليكم نص الحوار:

كلمنا عن شخصيتك في فيلم “التاروت”؟

أنا بجسد شخصية “حسين” هو محامي صريح ونزية بتتعرض زوجته لموقف ما، فـ هو بيشوف حل لأنه بيحصل حدث مهم بيخليه يوقف جمب مراته لحد مايرجعلها حقها تاني.

إية الصعوبات اللي واجهتك أثناء تحضير الشخصية؟

لا مفيش صعوبات، إحنا صورنا يوم واحد بس فـ لحد دلوقتي لسة مافيش صعوبات وجهتنا، اما بالنسبة للتصوير كان كويس ومحضرين للفيلم كويس جدًا، وإنتاج كويس ومخرج موهوب وطاقته حلوة في اللوكيشن.

مين رشحك لدور حسين؟

اللي رشحني للدور هو المخرج محمد نشأت، والمنتج بلال صبري.

الفيلم هيتعرض امتى؟

لسة متمش تحديد موعد عرض الفيلم حتي الآن.

كواليس العمل بينك وبين رانيا يوسف وسمية الخشاب؟

انا اشتغلت مع رانيا يوسف في عملين قبل كده منهم كان مسلسل “ليلة” و أيضًا مسلسل “الدولي”، لكن أول مرة اشتغل مع سمية الخشاب والعمل معاهم ممتع جدًا وهما الاتنين نجمات كبار طبعًا.

هل هتشارك في الموسم الرمضاني السنادي، أو في أي أعمال قادمة ليك؟

اه إن شاء الله في حاجة قريب، لكن لسة الورق مجهزش، إن شاء الله في عمل أو اتنين ولسة بقرأ الورق لكن مفيش حاجة أقدر أعلن عنها حاليًا.

إية رأيك في مهرجان القاهرة للدراما في دورته الأولى؟

هو مهرجان مهم، بدأ بداية قوية جدًا و إن شاء الله يكمل السنين الجاية بالجمال ده ويبقا أقوي وأقوي، وكله لخدمة الدراما.

فيلم “في القلب” احكيلنا عن دورك فيه وهيتعرض امتى؟

أنا ظهرت فيه كضيف شرف، ظهرت مشهدين فقط لكن معرفش هيتعرض امتى.

احكيلنا عن مسلسل ديفيلية مع وفاء عامر؟

مسلسل “ديفيلية” بيتكون من 10 حلقات من إخراج معتز حسام، وبطولة النجمة وفاء عامر ومجموعه كبيرة من النجوم، وان شاء الله هيتعرض على المنصة قريب.

اطلب برنامج ويبو للمدارس والجامعات اطلب برنامج ويبو للمدارس والجامعات
error: Content is protected !!