استضاف الإعلامي أمير كرارة في برنامج “سهرانين” المذاع على قناة ON، مساء أمس، الفنان محمود عبد المغني الذي تطرق خلال الحلقة في الحديث عن حياته الشخصية وفترة الطفولة.
أبرز تصريحات محمود عبد المغني في برنامج سهرانين
كنت عايش في الوراق وسط ناس طيبة والوراق فيها جدعنة ورجولة واتعلمنا من الوراق حاجات كتير حلوة.
كنت بمشي من بيتي لشارع السينما في الوراق وكنت بشوف أفلام بروس لي وبعد الفيلم نطلع نضرب في بعض.
الوراق بيتقال عليها هواها أخضر وهي أرض زراعية والبيت بتاعنا كان قريب من النيل.
بعد وفاة والدي حسيت إني عايز أعمل مسؤول مع إن ده مش مطلوب مني خالص.
معرفش ليه المسؤولية شدتني وكنت بروح اشتغل واسيب المدرسة.
أول شغلانة اشتغلتها كانت في البلاط واشتغلت في ورش الطوب.
أول مرة قابلت حمدي الميرغني كان في لبنان خلال فيلم فرعون وحكى حكاية الناس مشيت وهو مستمر في الحكاية، فضلت أسمعه لغاية ما خبطته بالكوباية، مكنتش أعرف إنه رغاي أوي.
بحب أشتغل مع أمير كرارة جدًا، فهو أبو الارتجال.
أول ما دقت المحشي بتاع مراتي قبل الزواج حسيت بطعم أكل أمي ووافقت على الزواج منها.
آخر أعمال الفنان محمود عبد المغني
شارك الفنان محمود عبد المغني رمضان الماضي بمسلسل “العائدون”، من بطولة أمير كرارة، أمينة خليل، محمد فراج، ميدو عادل، هاني رمزي، إسلام جمال وآخرين من تأليف باهر دويدار ومن إخراج نادر جلال.
