حل الفنان حسين فهمي، رئيس مهرجان القاهرة السينمائي الدولي، ضيفًا على برنامج trending، والمذاع عبر قناة mbc 4.
وتحدث فهمي، خلال لقائه بالبرنامج عن الـ dress code، الذي سيتم إتباعه بدورة هذا العام من المهرجان، مؤكدًا أنه شيء متعارف عليه في العالم كله.
وقال: “جزء من حياتي مع المهرجان، لازم الـ dress code تقوم القيامة وتقعد، هنلبس إيه ومش هنلبس إيه، وفي dress code مُتعارف عليه دوليًا ده اللي هنلبسه”.
وأردف: “لازم المهرجانات الدولية خلاص بقى ليها طابع، تروح شنجهاي، لوس أنجلوس، فوق تنزل في الجنوب، هتلاقي نفس الـ dress code”.
وأضاف: “الرجالة لازم تلبس التاكسيدو، اللي هو الـ smoking، والستات هتلبس فساتين حلوة وشكلها لطيف، ويبقى فيها رونق وذوق حلو”.
وأشار: “مهرجان مُقيَّم ومُصنَّف على إنه مهرجان دولي درجة أولى، إحنا ضمن منظمة دولية، اسمها FIAPf أو Fédération internationale des producteurs، دول عندهم 14 مهرجان درجة أولى في العالم، زي برلين، كان، فينيسيا، القاهرة، سان سيباستيان، في مجموعة مهرجانات إحنا من ضمنهم”.
وتابع فهمي: “فبالتالي المهرجان لازم يحافظ على هذه القيمة، على هذه المكانة، غير كده ده مهرجان السينما المصرية، وهي سينما عريقة تستحق إنه يكون لها مهرجان دولي درجة أولى، وعشان كده بنحافظ عليه دايمًا، لازم نحافظ عليه وعلى مكانته”.
يذكر أن الفنان حسين فهمي كان قد بدأ تصوير مشاهده بأحدث أعماله الدرامية عودة البارون، والذي يشاركه في بطولته خالد سليم، ميس حمدان، سامي مغاوري، رزان مغربي وغيرهم.
