طلبت والدة الفنانة شيرين عبد الوهاب المساعدة من الإعلامي عمرو أديب والرئيس عبد الفتاح السيسي بالتصدي لزوجها السابق حسام حبيب من خلال برنامج “الحكاية” المذاع عبر قناة MBC مصر.
وقالت السيدة كريمة ابو زيد: “حسام حبيب هو السبب في كل اللي حصل، وهو اللي علم بنتي كل حاجة غلط، بييجي وبيقعد معها في الأستوديو تحت وبيفضلو يشربو لوش الصبح، وعلم بنتي الشرب والإدمان”.
وتابعت: “هي شيرين اتنازلت عن المحضر والقضايا، وفجأة لقيناه بييجي البيت تاني وبيقعد معاها تحت في الأستوديو، ونازلين شرب وقرف، وطبعًا الكلام ده مش بتاعنا ولا يصح أبدًا”.
وأضافت أبو زيد: “حسام حبيب ضيع بنتي، وكان سبب في أن بنتي تعمل حاجات كتير غلط، وخلاها تقاطعنا وتبعد عننا وتنسى حاجات بناتها كمان”.
وأكملت: “في يوم المشكلة لقيت بنتي طالعة بتقولي إمشي من البيت وارجعي البيت القديم، فسألتها ليه يابنتي، قالتلي هو كده، انا عيزاكي تمشي، ولما اخوها عرف نزلهم الأستوديو وحصل المشادة بينهم، ولكن أخوها ما ضربهاش، هو بس خدها بالعافية وداها المستشفى”.
وأكدت والدة شيرين في ختام حديثها، أن شيرين مريضة، ويجب أن تتعافى، مشيرة إلى أنها: “احنا أهلها وعارفين أكتر من أي حد، بنتي اتغيرت وانطفت ومابقيتش زي الأول خالص، حسبي الله ونعم الوكيل”.
