الفنان اللي أثر في مسيرتي وأثر فيا أنا شخصيًا العظيم “نورالشريف”
كنت أتمني اشتغل مع عظماء الفن زي محمود مرسي ومحمود المليجي وكل عمالقة الفن المصري
“عم جوهر حبيب الجمهور” فنان كوميدي جميل يدخل القلب سريعًا، تربع على عرش الكوميديا في التلفزيون والسينما المصرية من خلال أدواره اللطيفة القادرة على إخراج المشاهد لجو كوميدي نظيف.
قدم العديد من الأعمال منهم :”بنات العم، الكويسين، جحيم في الهند، كابتن مصر”، وله أعمال كبيرة تترنن في عقول جمهوره ومحبية الفنان أحمد فتحي الفنان الكوميدي الجميل صاحب القلب الأبيض في حوار خاص لـ “مجلة هافن” عن أعماله الجديدة في رمضان2023 ولكم نص الحوار
حدثنا عن مسلسل العمدة ودورك في هذا العمل؟
مسلسل العمدة بقدم فيه بشخصية سيد شقيق جعفر العمدة “محمد رمضان”، وبأذن الله تشوفوني بشكل مختلف.
من رشحك لدور شقيق العمدة؟
رشحني للدور المخرج والمؤلف الكبير محمد سامي مخرج العمل.
حدثنا عن استقبالك للترشيح عندما علمت أنك ستقدم دور شقيق محمد رمضان وهذا هو العمل الأول؟
أتبسط جدًا علشان كنت عايز أشتغل مع محمد رمضان من زمان ومع محمد سامي علشان هما على صعيد الدراما بيعملوا مسلسلات أنا عن نفسي بحبها.
هل هناك أعمال أخرى في رمضان 2023؟
أن شاء الله في أعمال أخرى في رمضان ولكن مش هيتم الأفصاح عنها غير لما يتم التعاقد عليها.
حدثنا عن فيلم 5 محيي الدين أبو العز؟
فيلم مهم بالنسبة ليا أنا بطل العمل بيدور في حكاية حلوة فيه كل الأنواع سسبينس وكوميديا وأنسانية، مهمة الفيلم جودة كويسة أتمنى يعجب الجمهور.
أحمد فتحي يميل أكتر للأدوار الكوميديا؟
أنا بميل للتمثيل ولكن للأسف هما دايمًا بيشوفوني بأدوار الكوميديا ولكن أنا بحب ألعب كوميديا وتراجيدي على نفس المقاس.
هناك أعمال ترننن في ذهن الجمهور ماهو أقرب عمل للفنان أحمد فتحي؟
كل الأعمال اللي عملتها بحبها طبعًا ولكن في أعمال قريبة قلبي أفلام مثلتها زي:”كابتن مصر، جحيم في الهند، بنات العم”، والفيلم اللي في قلبي وفي مكان تاني لوحدة هو فيلم “ساعة رضا”.
هل هناك فنان يعتبر مثلك الأعلي من نجوم الكوميديا في الزمن القديم؟
أنا بعتز بناس كتير جدًا ومش شرط مثلي الأعلي يبقي نجم كوميديا في ناس أثرت فيا وفي مسيرتي زي العظيم الفنان الراحل “نور الشريف” أثر فيا بشكل كبير.
هل عرض عليك عمل وقمت برفضه؟
طبعًا أتعرض عليا أدوار كتير ورفضتها وقدمت أعتذار عنها ولكن مبحبش أتكلم في الجزء ده إحترامًا للعمل ولصناعة.
حدثنا عن علاقتك بالفنان بيومي فؤاد ومشاركتك معه في أكثر من عمل؟
بيومي فؤاد أخويا وحبيبي وصحبي بتربطنا علاقة صداقة قوية مش بس في مجال العمل لا دي علاقة عائلية كمان برة الوسط وبحب الأعمال طبعًا اللي اشتغلناها مع بعض ومعظم الأعمال الناجحة اللي عملتها كان معايا بيومي فؤاد.
فنان راحل كنت تحب أن تشارك معه في عمل؟
كل عظماء الفن كنت أحب أشتغل معاهم زي مثلا: “محمود المليجي، محمود مرسي، توفيق الدقن”، كثير من عظماء الفن المصري طبعًا.
هل هناك عمل معين تتمني أن تقدمه لم يسلط عليه الضوء أو قدمه أحد من قبلك؟
أتمني أقدم كل الأعمال اللي معملتهاش قبل كده وأقدم شخصيات جديدة تسيب علامة مع الجمهور.
عم جوهر في الكويسين شخصية أحبها الجمهور كيف تعاملت مع احداث هذه الشخصية؟ وكيف جهزت لها؟
عم جوهر عجب الناس علشان الجرافكس مش موجود ولكن الشخصية عادية بالنسبالي، صعب أقولك جهزتها إزاي لأن الممثل الحقيقي الموهوب مبيشرحش هو عملها إزاي الموضوع معقد أكتر من كده وبسيط أبسط من كدة.
قدمت العديد من المسرحيات هل تفضل المسرح أم الدراما؟ ولماذا؟
المسرح أبويا اللي علمني ورباني طبعًا بس أنا بحب السينما والدراما.
