حلت الإعلامية بسمة وهبه ضيفة في برنامج “et بالعربي”، وتحدثت خلال اللقاء عن أزمة المطربة شيرين عبد الوهاب وحسام حبيب، وكشفت العديد من الحقائق التي نبرزها لكم خلال هذا التقرير.
أزمة شيرين عبد الوهاب
وعلقت بسمة وهبة عن أزمة شيرين عبد الوهاب قائلة:” أنا عندي فويس نوت كتير لشيرين عبد الوهاب وأطلب مني أن أنزلها لكن أنا رفضت لأنها لم تضيف شئ لشيرين مع العلم سوف تضيف ليا أنا، لكن رفضي ده لأن شيرين مجني عليها وضحية، وعلى فكرة هي إنسانة طيب جدًا جدًا”.
وتابعت قائلة:”حسام مش زي الناس ما بتقول عليه ولا زي ما هما فاكرين خالص، ولو حسام سمح لي أتكلم لأن عارفة القصة بالظبط لكن مقدرش أقول حاجة وأنا ماخدتش أذنه”.
وأضافت بسمة وهبة في تصريحاتها لـ”et بالعربي”: حسام ممكن يكون عنده شئ وده سبب تصرفه أو عمل تصرفات قبل كده زعلت شيرين، لكن كل اللى أقدر أقوله إني حسام مش مدمن ولا يتعاطي.
نصيحة بسمة وهبة لـ شيرين عبد الوهاب
وعن نصيحتها التي وجهتها لشيرين، قالت:”شيرين لازم تبعد عن مصر كلها فترة من الوقت تستنشق هواء جديد وتعيش في بلد سنة، شيرين مشكلتها المهدئات والمنومات اللي كانت بتاخدها، وأنا مش هينفع أتكلم أكتر من كده لأن ده اللي شوفته مش شيرين ومليش دعوة باللي الناس بتقوله”.
تصريحات شقيق ووالدة شيرين
واختتمت بسمة وهبة تصريحاتها بتوجيه العتاب لشقيق ووالدة شيرين، حيث قالت:”أنا زعلانه جدًا جدًا من أخوها ووالدتها في اللي عملوه فيها وقالوه عليها، ولو هنفترض أن الكلام ده حقيقة دي نجمة الوطن العربي، أزاى يطلع يقول عليها كده أنا أعترض، حتى لو كان الكلام ده على لسان أخوها أو والدتها شيرين بنت مصر مينفعش يتقال عليها كده”.
وتابعت قائلة:”شيرين محتاجة تعيد حساباتها ومحتاجة أنها تخف وتأخد قرارها بنفسها، لأن هي دلوقتي عندها حالة من الخوف وحاسة أن لازم يكون حد جمبها طول الوقت”.
والجدير بالذكر أن تصدرت أزمة شيرين عبد الوهاب تريند محركات البحث على مواقع التواصل الإجتماعي المختلفة، وخاصة بعد خروج شقيقها ووالدتها في مداخلة هاتفية مع الإعلامي عمرو أديب، ليعلنوا فيها أن شيرين مدمنة وتوجهت أصابع الإتهام إلى زوجها السابق حسام حبيب والذي نفى بدوره جميع الأقاويل الواردة من عائلة شيرين.
