الفن نيوزفن

تامر أمين عن محمد رمضان: نجم جماهيري ولو كره الكارهون

أذيع الجزء الثاني من برنامج “حبر سري” الذي تقدمه الإعلامية أسما إبراهيم عبر قناة القاهرة والناس، حيث كانت مستضيفة الإعلامي تامر أمين الذي كشف خلال الحلقة عن رأيه في محمد رمضان، تعليقه على المهرجانات و مطرب الراب ويجز.

تامر أمين يعبر عن رأيه في محمد رمضان

قال الإعلامي تامر أمين عن محمد رمضان: “لو قابلت محمد رمضان هسأله ؟، مين اللي بينصحك تعمل كده ؟ هل في دائرتك حد بينصحك بده، زي الواقعة الأخيرة بتاعت ذهابه للإسكندرية، فأنا سؤالي هنا، مين اللي قالك تعمل كده ؟ “.

وتابع: “أنا عايز أعرف قراره من رأسه ولا من دائرته المقربة ومقدرش أقول أن في دايرة حواليه بتغرقه لكن مقدرش أنكر نجوميته فهو ممثل موهوب ونجم جماهيري جدًا ولو كره الكارهون”.

وأضاف أمين: “في تصرفات له مبتعجبنيش، وكل ما أقابله يقولي سمعتك الأسبوع اللي فات وانت بتتكلم عني في كذا وكذا ومش زعلان منك وده تصالح مع النفس بحترمه فيه”.

وعندما سألته أسما ابراهم، قائلة: بحكم الصداقة بينكم وبين محمد رمضان ليه ميكونش انتقادك ليه على الواتساب أو مكالمة تليفون ؟ ، رد عليها تامر قائلًا:”الكلام ده لو أنا ابن خالتو.. أنا كدة مصلح إجتماعي مش مذيع”.

https://fb.watch/gBsBn2527r/

تامر أمين ورأيه في المهرجانات و مطرب الراب ويجز

تحدث الإعلامي تامر أمين عن رأيه في المهرجانات قائلًا: “بسمع كل حاجة بس مش حبًا فيها، بس كمهنة، ومرضتش لسه عن شاكوش وبيكا لحد ما هما يقدموا حاجة ترضينا وأنا مع منع الابتذاذ والكلام المسئ، ابقوا فرجوا عن أفلام البورنو وقوللهم نعمل مناعة، أنا مش ضد المهرجانات كلها، أنا ضد المبتذل والرخيص والرديء، وويجز لو عمل حاجة خارجة عن المألوف ورديئة هنتقدها”.

وأردف: ” ويجز في مرة طلع في حفلة لابس بنطلون أخضر انتقدته زي ما انتقدنا محمد رمضان أما طلع لبس عريان على المسرح”.

https://fb.watch/gBt0ylGguB/

وفي هذا السياق يذاع برنامج “حبر سري” عبر قناة القاهرة والناس يومي الخميس والجمعة في تمام الساعة الحادية عشر مساءً وتقدمه الإعلامية أسما إبراهيم.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!