أحيا الفنان أحمد سعد أمس حفل غنائيا بموسم الرياض مع الفنان محمود العسيلي والفنانة روبي.
ونشر الفنان أحمد سعد على موقع تبادل الصور والفيديوهات “إنستجرام” منذ ساعة فقط فيديو من الحفل وعلق عليه قائلًا:”مفيش كلام ممكن يوفي سعادتي بحفلة امبارح في الرياض، حابب أشكر الجمهور السعودي الجميل اللي امتعنا بحضوره وتفاعله الغير عادي”.
أخر أعمال الفنان أحمد سعد
ويذكر أن أخر أعمال الفنان أحمد سعد أغنية “وقت الشدة”، التي تم طرحها منذ يومين فقط، وحققت الأغنية نسبة مشاهدة عالية، حيث حققت حوالي 497 ألف مشاهدة حتى الأن منذ طرحها.
أغنية وقت الشدة من كلمات أحمد جابر، وألحان وتوزيع محمد شحاتة، وإنتاج شركة مزيكا، تدور فكرة التصوير في إطار درامي خفيف، جسد الفنان أحمد سعد من خلاله دور الراوي الذي يحكي مواقف حياتية حول مفهوم الصداقة، والحب، والأسرة، والكليب من إخراج إسلام هشام.
كلمات أغنية وقت الشدة:
حبينا ناس بيخدعونا
في وقت شده بيسبونا
وبكره جاي مش بعيد
هيبقوا يحلمو يشفونا
عايشين تمام وميه ميه
عادي الفراق ده مش قضيه
خلاص أخدنا عالجراح
وعالوجع وعالاذيه
كل اللي قولت هما دول اهلي وناسي وحبايبي
وقعت فجأه وسطهم ملقتش حد جمبي
صحيح طلعت وسط صحبه ساكه ما تسويش
الاسم فاكر كل من عمل معايا قله
مفيش مكان خلاص لناس حقوده مستغله
قفلنا بابنا للي سابنا في العذاب نعيش
متشكرين لكل خاين
كان فاكرنا في يوم زباين
سواد كتير مالي القلوب
ما كنش في البدايه باين
كل اللي باعنا بالخساره
قلة الاصل بجداره
الخيانه بقت كتير
والنداله بقت شطاره
قابلنا في الزمن ده ياما
وكل جرح ساب علامه
عشان كده اللي باعنا يوم
لازم نقوله بالسلامه
كل اللي قولت هما دول اهلي وناسي وحبايبي
وقعت فجأه وسطهم ملقتش حد جمبي
صحيح طلعت وسط صحبه ساكه ما تسويش
الاسم فاكر كل من عمل معايا قله
مفيش مكان خلاص لناس حقوده مستغله
قفلنا بابنا للي سابنا في العذاب نعيش.
