نشر المطرب رامي جمال صورة جديدة له، عبر حسابة الشخصي على موقع تبادل الصور والڤيديوهات “إنستجرام”، تجمعه مع صديقه المطرب تامر عاشور.
وكتب رامي جمال على الصورة مُعلقًا:”عشرة 20 سنة حلمنا فيهم بحاجات ومن كرم ربنا علينا حققنا جزء منها 20 سنة أخوات وأصدقاء ربنا يكرمنا وننجح أكتر ونحقق أكتر شعور ممتع لما ندخل كلية واحدة زمان ويبقي اللى بينا حلم واحد والزمن مغيرناش”.
وأضاف مازحًا:”لا أقولكم غيرنا شعرنا راح بس وراكم وراكم في الأحزان والرومانسية”.
رد تامر عاشور على رامي جمال
كتب تامر عاشور، مُعلقًا:”ربنا يوفقك وينجحك أكتر وأكتر يا أجمد رامي في الدنيا بس أنا قولتلك متنزلش الصورة التانية دي ياعِشرة، ولذلك متزعلش على صورك الأبيض والأسود اللي معايا وأبعد عن الأحزان”.
تعليقات الجمهور على الصورة
توالت التعليقات من الجمهور على الصورة، فكتب البعض:”أنتوا الأتنين ملوك الرومانسية الكئيبة حاجة عظمة بصراحة”، “صورة تسمع حزنها”، “ملوك النكد”، “مناظيل بالجملة”.
آخر أعمال رامي جمال
يذكر أن آخر أعمال رامى جمال، أغنية “مش حبايب”، والتي طرحت في يناير 2022، وحققت نجاح كبير وقت طرحها.
كلمات أغنية “مش حبايب”
علشان نفارق بعض مش حاطين شروط
ولا محتاجين وقت الفراق ندفع ثمن
احنا اللي بيننا في الحقيقه عشان يموت
محتاج يدوب من وقتنا ساعه زمن
علشان نفارق بعض مش حاطين شروط
ولا محتاجين وقت الفراق ندفع ثمن
احنا اللي بيننا في الحقيقه عشان يموت
محتاج يدوب من وقتنا ساعه زمن
مش حبايب اللي بيننا كان مجرد حبل دايب
لما نبعد مش هنعرف اللي متساب من اللي سايب
باختصار احنا اتخدعنا وانتهينا من سنين
لو هنحسبها بوجعنا في احنا الاثنين متسابين
كان وضع مؤسف واللي عشناه كان مهين
عايزه الحقيقه تعالى نبعد اما بعد
برانا كنا مبينين حب السنين
جوانا كنا اتنين بننسى اثنين ببعض
مش حبايب اللي بيننا كان مجرد حبل دايب
لما نبعد مش هنعرف اللي متساب من اللي سايب
باختصار احنا اتخدعنا وانتهينا من سنين
لو هنحسبها بوجعنا في احنا الاثنين متسابين.
