تصريحات

ماريا أسامة لـ هافن: “شُفت بنات على الحقيقة شبه چيچي كنت ببقى عايزة أجيبهم من شعرهم”

فنانة شابة موهوبة بدأت مشوارها، من خلال برنامج الدوم لاكتشاف المواهب، لتخطف الأنظار بقدراتها الثمثيلية وامتلاكها لموهبة فنية عالية.

لتحصل على لقب البرنامج في موسمه الأول، عن فئة التمثيل، وهو ما أهلها لتتألق بشدة، في أول أدوارها، من خلال مسلسل إيجار قديم للفنان شريف منير.

إنها الفنانة الشابة ماريا أسامة، التي كان لـ مجلة “هافن” معها هذا اللقاء الممتع، حول تجربتها في إيجار قديم، وكذلك تجربتها في الدوم.

ماريا أسامة: “إيجار قديم شبه كل بيت مصري”

قالت ماريا في تصريحاتها لـ “هافن”: “تجربتي في مسلسل إيجار قديم ممتعة جدًا ومفيدة على كل المستويات”.

وأردفت: “وحقيقي المسلسل اجتماعي شبه كل بيت مصري، ويمكن ده السبب، اللي خلاه يوصل للمشاهدين بالانتشار ده”.

طارق رفعت غيور على شغله غيرة إيجابية

وأضافت: “وعلى المستوى الشخصي، استفدت كتير من تجربتي مع الأستاذ طارق رفعت، اللي حقيقي مخرج مهتم بكل تفصيلة لأي ممثل، وغيور على شغله غيرة إيجابية اتعلمتها منه”.

وتابعت ماريا: “وطبعًا المؤلف أستاذ عمرو الدالي مبسوطة أوي بالتعاون معاه، وإني قدرت أجسد الشخصية، اللي في خياله وعلى ورقه، بكل تفاصيلها الممتعة، وأحولها لجسد ودم”.

فريق العمل قدام ووراء الكاميرا كانوا عيلة حقيقي وخصوصًا شريف منير وطارق رفعت

وأكملت ماريا: “وأستاذ كريم أبو ذكري، اللي حقيقي هكون سعيدة من قلبي إن تجربة الشغل معاه ماتكُنش الأخيرة أبدًا”.

ولفتت: “غير فريق العمل كامل قدام الكاميرا وورا الكاميرا كانوا عيلة حقيقي، وبخص بالذكر أستاذ شريف منير، لأنه هو وأستاذ طارق كانوا بيدعموني جدًا في التصوير”.

كنت مخضوضة من رد فعل الناس على إنچي بس بعد كده فرحت

وحول أكثر رد فعل قرأته على السوشيال ميديا عن الدور، قالت ماريا: “أكتر تعليق قرأته على السوشيال ميديا، هي كانت دعاوي عليا بصراحة وشتايم”.

وأشارت: “في الأول كنت مخضوضة، بس بعد كده ده فرحني، لأن دور إنچي بعيد عن شخصيتي أوي، فمعنى إن الناس رد فعلها كده، إني إلى حد ما حاولت أطلعها، زي ما كنت حابة”.

لافتةً: “على الرغم إن ده ماينفعش حبي لشخصية إنچي طول ما أنا شغالة فيها، بكل عيوبها واستفزازها؛ لأتي لو ماحبتهاش، ماكنتش هنجح فيها أو أصدقها”.

جه اليوم اللي مصر كلها عايزة تجيبني فيه من شعري

عمّا إذا كانت قد رأت فتيات يشبهن چيچي على الحقيقة، قالت ماريا: “شُفت بنات شبه چيچي على الحقيقة، وطول الوقت ماكنتش بطيقهم”.

واستكملت: :وكنت ببقى عايزة أجيبهم من شعرهم، لحد ما جه اليوم، اللي مصر كلها بقت عايزة تجيبني فيه من شعري”.

*أنا مع الإيجار اللي ينصف المستأجر وصاحب الملك”

وبخصوص ما إذا كانت مع الايجار القديم أم الجديد، قالت ماريا: “اللي ينصف الاتنين، سواء المستأجر أو صاحب الملك، مايبقاش فيه كفة منهم مايلة على حساب كفة”.

أما عن أعمالها القادمة، بعد إيجار قديم، فكشفت: “إن شاء الله مسلسل وبينا ميعاد إخراج استاذ هاني كمال”.

تجربتي في الدوم كانت سبب رئيسي في ترشيحي لدور إنچي

وتحدثت ماريا عن تجربتها في برنامج الدوم، قائلةً:”تجربتي في الدوم كانت سبب رئيسي لترشيحي لدور إنچي”.

كما كشفت عن استفادتها من الدوم:”والبرنامج فادني في حياتي عمومًا؛ لأنه راح بيا خطوة أعتقد إني كنت هحتاج وقت كبير؛ علشان أخطوها، خصوصًا لأن مصر كلها مواهب حقيقية”.

وأتمت الفنانة ماريا أسامة تصريحاتها: “علشان كده المتحدة أتاحت ليَّ فرصة إني أظهر الموهبة دي بصورة مناسبة، وشكل يليق بيهم وبيَّ”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!