حلت الفنانة حنان شوقي ضيفة في برنامج “كلام الناس”، الذى تقدمه المذيعة ياسمين عز، على شاشة قناة MBC masr.
كشفت الفنانة حنان شوقي لأول مرة عن تعرضها للحسد بعض مشهد في فيلم “الإرهابي” مع الفنان عادل إمام، وعن مشهد آثار الجدل عبر مواقع التواصل الاجتماعي في هذا الفيلم، وعن عدم اهتمامها بالسوشيال ميديا.
وضحت الفنانة حنان شوقي حقيقة مشهد الكوتشينة والشورت الأصفر في فيلم “الإرهابي”، موضحة أن ما نشر هذا المشهد شخص مريض، ويسعى وراء شهواته، قائلة:” دخلت على السوشيال ميديا لقيت حد منزل وكاتب رجلين حنان شوقي، قولت أي ده، وحسيت أني ده عالم بيتاجر مفيش فن، مش بيجيبه المشهد من أوله، ليه بقا عشان الناس المريضة نفسيًا يقولو رجلين حنان، وده شخص بيجري وراء شهواته، لكن لو اتفرج من أوله لأخرة عمره ما يبص لرجلين حنان شوقي”.
حنان شوقي: النت بالنسبالي سبحتي
وأشارت أنها لا تهتم بالسوشيال ميديا قائلة:’ أول ما حصل الكومبيوتر والسوشيال ميديا، أنا في السوشيال متأخرة جدًا ولسه عاملة من قريب جدًا، وصحابي اللى عملهولي بالعافية، أنا بالنسبالي النت سبحتي”.
وتابعت حنان شوقي حديثها مع ياسمين عز، عن ما أصابها بعد هذا المشهد:” رجليا بعد المشهد كنت راحة اتصور فوتو سيشن طول، لاقيت رجلي اتلوت، أكاني حد بيشدني من شعري وتمزق في الأربطة حتى الأستاذ عادل إمام ساعتها قال حنان خدت عين الفيلم، أنا طالعة لأمي في جمالي، أمي كانت زي القمر وحاجة كده جميلة جدًا”.
نبذة عن فيلم “الإرهابي”
فيلم “الإرهابي” تم طرحه عام 1994، ويعد فيلم من نوعية الأفلام السياسية، والفيلم بطولة عدد من النجوم ومن أبرزهم:” عادل إمام، حنان شوقي، مصطفى متولى، أحمد راتب، صلاح ذو الفقار، مديحة يسري”، ومن إخراج نادر جلال، وتأليف وسيناريو لينين الرملي.
