حلت المطربة سمية درويش ضيفة في برنامج “نص الكلام”، الذي تقدمه الإعلامية راغدة شلهوب عبر شاشة قنوات النهار، وتحدثت خلال هذا اللقاء عن عدة أمور كان من أبرزها الحديث عن المطربة شيرين عبد الوهاب.
وجهت المطربة سمية درويش العديد من الصعاب بسبب تشابه صوتها مع صوت شيرين عبد الوهاب وقالت: “مجال الغناء عبارة عن مافيا وكل نجم خايف على الكرسي بتاعه، لكن احنا لازم نكون كتير ليه نحتكر الناس، أنا بشوف ده نرجسية و لكن ده مش فيا، متخيلتش أن حد ممكن ياذيني أو يوقعني عشان يحافظ على مكانه وسط الجمهور أو عشان انا شبهه، احنا بشر لازم نكون كتير في المجال ده”.
وتابعت: “انا وشيرين عبد الوهاب مش شبه بعض، وقولت لشخص من الملحنين اني عشان ابقي بريئة من تهمة التشابه معاها، اني اعمل دويتو عشان الناس تعرف الفرق، ولكن ده عمره ما هيحصل لأن شيرين عبد الوهاب عمرها ما هتوافق تغني معايا”.
ثم أضافت درويش: “انا بحب شيرين عبد الوهاب جدًا، وبسمعها بشكل مستمر لأن الناس بتطلب مني أغانيها”.
*راغدة شلهوب تضع سمية درويش في مأزق
سألت الإعلامية راغدة شلهوب المطربة سمية درويش عن علاقتها بشيرين عبد الوهاب وهل هي تعرفها فكان الرد صادم حيث قالت سمية “شيرين عبدالوهاب الوهاب تعرفني بس أكيد هتقول متعرفيش، و وصلت ليا عدد من الرسائل تتعلق بها، وإذا حد سألها على الهواء هتقول عني واحدة مغمورة”.
وأردفت: “شيرين عبد الوهاب بتقول عني صوتي وحش ومين دي اللي تشبهوني بها، وكان في مكان بغني فيه وكان عند شيرين حفلة في نفس المكان تاني يوم، و كان متعلق في المكان صور كتير أوي من ضمنهم صورة كبيرة للنجمة شيرين و صورة صغيرة ليا، والولد اللي بيركن العربية في الجراج صور شيرين وهي بتقول نزلو صورتها من جنبي ياما مش جاية أغني بكرة، وأنا شفت الكلام ده في الفيديو بعيني”.
وختمت سمية حديثها عن شيرين عبد الوهاب قائلة: “بحبها جدًا وعندي تصالح مع كل الناس وبزعل عليها اوي وعمري ما اتمنيت لحد الشر، لو بإيدك تحب الخير لحد حبه”.
