الفن نيوزفن

“الرصاصة بتموت شخص لكن الكلمة السامة بتموت أجيال”.. تامر حسني يوجه رسالة لجمهوره

كعادة الفنان والإنسان تامر حسني بأن يوجه رسائل ونصائح هادفة لجمهوره من خلال صفحاته على مختلف مواقع التواصل الاجتماعي، قام بنشر مشهد على موقع تبادل الصور والڤيديوهات الشهير “إنستجرام” يجمع بينه وبين الفنان ماجد الكدواني من فيلم “مش أنا”، وحاول توجيه نصائح غالية لجمهوره تدور حول الوقوف بجانب الأصدقاء في وقت الشدة والضيق.

نصيحة تامر حسني لجمهوره

وعلق تامر حسني على المشهد وقال:”مساء العسليات عالكل المشهد ده فيه رسالة جميلة أحيانًا ممكن يبقى ليك صديق أو ليكي صديقة مريضة أو تعبانة أو في حاجة فيها بتضايقها نحاول إن إحنا عمرنا ما نسخر من حاجة في حد هو ملوش ذنب فيها خلقة ربنا أو ابتلاء لأن الشخص ده أصلا نفسيًا مع نفسه اللي فيه مكفيه لو كان ربنا كاتب إن إحنا اللي نبقى حواليه فاكيد عشان نشجعه ومايقفش عند الموضوع ده ويعرف أن في ناس عندها أكتر منه حاجات لا تحتمل وقدروا مايشوفوش غير كل ما هو إيجابي وعرفوا يتصالحوا مع نفسهم ويبقى عندهم رضى من الدرجة الأولى ويحمدوا ربنا على ده ويفهموا إنه ابتلاء أو إختيار إيه مكاسب أكبر وأكتر من اللي معندوش”.

https://www.instagram.com/reel/CmWzGl-gE3u/?igshid=YmMyMTA2M2Y=

وتابع:”الشاطر بس اللي يفهم كده و ده دور الأصحاب الطيبين اللي ربنا ممكن يجازيهم خير مكانوش يحلموا بيه بسبب الدعم النفسي لغيرهم بسبب الكلمه الحلوة”.

تامر حسني يُشيد بأداء ماجد الكدواني

وأردف تامر حسني حديثه مُشيدًا بأداء ماجد الكدواني قائلًا:”وطبعًا هنا الأستاذ ماجد بيمثل مشهد انما هو من أطيب وأنضف القلوب”.

تأثير الكلمة الإيجابية والسلبية على الشخص من وجهة نظر تامر حسني

واختتم تامر حسني منشوره بتوضيحه مدى تأثير الكلمة الإيجابية والسلبية على الشخص قائلًا:والله يا جماعة الكلمة الحلوة ممكن تساهم في إن شخص ينجح وإن شخص يفشل الكلمة الحلوة ممكن تدي أمل عظيم للحياة، تخيلوا الرصاصة بتموت شخص لكن الكلمة السامة المحبطة اللي ممكن تلوث فكر وتبوظ عقل جميل ممكن تموت أجيال، ويومكم جميل إن شاء الله “.

فيلم مش أنا

تدور قصة الفيلم حول شاب يُدعى حسن والذي يقوم بتجسيده الفنان تامر حسني، ويتعرض لحالة مرضية تفقده السيطرة على يده ومن ثم يواجه العديد من المشاكل والتحديات
وتم عرض الفيلم لأول مرة في عام 2021، وهو من تأليف وإنتاج تامر حسني، وإخراج سارة وفيق.

آخر أعمال تامر حسني

ومن الجدير بالذكر أن آخر أعمال الفنان تامر حسني هو فيلم “بحبك” الذي تم عرضه في يوليو الماضي، ولاقى نجاحًا كبيرًا في مصر والوطن العربي، وهو من تأليف وإخراج تامر حسني، وشارك معه في التمثيل كلًا من:” هنا الزاهد حمدي المريغني، هدى المفتي، مدحت إسماعيل”، وآخرين.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!