حل النجم محمد حماقي ضيفًا في برنامج “صاحبة السعادة” الذي تقدمه النجمة إسعاد يونس، ضمن حفلات ليلة رأس السنة وإحتفالًا بوصوله لـ 20 عامًا من المشوار الفني الحافل.
وتحدث حماقي خلال اللقاء عن العديد من الكواليس حول مشواره الفني، وحياته الشخصية في حلقة دسمة كشف من خلالها العديد من الأسرار التي نبرزها لكم في هذا التقرير:
محمد حماقي يكشف عن شخصياته المتعددة :
وكشف النجم محمد حماقي خلال اللقاء عن شخصياته المتعددة والفرق بينهم، حيث قال: “أنا في البيت بعمل اللي يريحني لكن بره بعمل اللي يريح الناس، أنا مستحيل أكون برا او في مكان و حد يطلب يتصور وأرفض، مهما كان مودي وحش أو مضغوط لأنه مش صح طالما قررت اخرج للناس بيتعاملوا معاك على أنك محمد حماقي، عايز تبقى مرتاح اقعد لوحدك”.
وتابع: “ودي حاجة مهمة جدًا بالنسبالي طالما قررت اخرج يبقى لازم أعمل كده، ولازم طول الوقت يبقى في توازن، بين شخصيتي في البيت وبره البيت، أنا في البيت بحب جدًا أقعد براحتي والبس نضارتي، أفرش على الأرض وأكل”.
وعند سؤاله عن كونه متردد قال حماقي: “لأ أنا مش متردد أنا بحب يبقى عندي اكتر من خطة، وخاصة في موضوع اللبس بحب دايما يبقى معايا اكتر من لبس في الحفلة أو البرنامج لأن ممكن حاجة تحصل لازم أكون مأمن نفسي”
طفولة محمد حماقي :
وتحدث محمد حماقي عن طفولته وقال: “أنا عمري ما أبدا خناقة أنا كنت طفل شقي جدًا، لكن مبدأش خناقة، أنا كنت طفل شقي في مرحلة الطفولة لحد ما وصلت 20 سنة، أنا عندي اخويا طارق أكبر مني كان مثالي وأنا كنت بعمل أي حاجة غلط”.
وأضاف: “أنا كان عندي استكشاف كنت ببوظ اللعب واستنى أشوف هتلبس في مين، وبعدين أعترف”.
والجدير بالذكر أن آخر أعمال حماقي هي أغنية ” قلبي حبك جدًا” والتي تم طرحها عبر موقع الفيديوهات الشهير اليوتيوب، وحققت الأغنية نجاحًا كبيرًا، والتي تم طرحها في شهر أغسطس الماضي، والأغنية من كلمات الشاعر أمير طعيمة، ألحان عمرو مصطفى، وتوزيع أحمد إبراهيم.
