✍️ ياسر خالد
أعلن الكابتن إبراهيم حسن، مدير الكرة بالنادي المصري، عن فرص غرامة على حارس مرمى الفريق محمود جاد، بسبب تصريحاته لوسائل الإعلام بدون إذن منه.كما علق حسن على تصريحات جاد، عقب المباراة، معتبرًا أنه تحدث بعفوية، وأنه لو كان خبيثًا لما قال هذه التصريحات.جاء ذلك خلال مداخلة إبراهيم حسن ببرنامج اللعيب مع الإعلامي مهيب عبد الهادي، المذاع عبر قناة mbc مصر.وفيما يلي أبرز تصريحات الكابتن إبراهيم حسن، خلال مداخلته مع الإعلامي مهيب عبد الهادي. الناس بتاخد الوهلة الأولى ودي حاجة وحشة أويقال إبراهيم حسن: “محمود جاد قال وقعت أول مرة عشان كنت مصاب، تاني مرة وقعت عشان قالولي أقع عشان التغيير”.
وأضاف: “الناس بتاخد الوهلة الأولى، دي حاجة وحشة أوي، هو وقع الأول عشان مصاب، يعني الراجل تمام، تاني حاجة قالولي أقع عشان التغيير، طيب وإيه المشكلة؟”.وتابع إبراهيم حسن: “مش هو وقع عشان يحصل تغيير؟، مش وقع عشان يضيع وقت”.الولد مؤدب ومحترم ونضيف فبيتكلم بعفوية وأردف: “أولًا الولد مؤدب ومحترم ونضيف فبيتكلم بعفوية، لو هو خبيث مش هيقول كده”.
هيبقى فيه غرامة على محمود جاد عشان اتكلم من غير ما يستأذنوأشار إبراهيم حسن:
“كل الكلام ده كوم، بقولك المبرر إيه ليه، إنما عشان يتكلم النهاردة من غير ما يستأذن، هتبقى مشكلة، هيبقى فيه غرامة”.ولفت: “التصريح لازم أولًا بييجي يستأذن، قبلما أقوله آه ولا لأ، وأقوله قول إيه وماتقولش، تتكلم على الماتش ومالكش دعوة بالفرق التانية، ولا ليك دعوة باتحاد كورة ولا حكام ففيه تنبيه”.وأتم الكابتن إبراهيم حسن تصريحاته: “إنما هو طلع اتكلم من غير مايقولي، فدي حاجة مش كويسة”.
يذكر أن النادي المصري تعادل سلبيًا مع النادي الأهلي بدون أهداف، ليحصل كل فريق على نقطة واحدة، ليحافظ الأهلي على صدارته للدوري برصيد 31 نقطةً، بينما احتل المصري المركز الثامن برصيد 18 نقطةً.
