رياضة

يوجد الأبطال أينما يوجد الدعم

عندما تكون الأسرة هي المحفز والداعم الأول لابد من وجود بطل أو عبقري لاكن كسر هؤلاء الأهل القاعدة وساعدوا على وجود بطلتان أسره ساعدت على نضوج أبنائها واعتلائهم منصات التتويج .

زهوه وزينه أحمد درويش

فالأولى هي بطلة الجمهورية للجمباز أيروبيك أنسات تحت 9سنوات والثانية هي بطلة الجمهورية للجمباز الفني أنسات تحت 6سنوات

حوار خاص مع البطلتين فتعالوا نتعرف عليهم

اسمي زهوه أحمد درويش عندي 9سنوات في مدرسة دار التربية الخاصة للغات شبين الكوم منوفية

أي هي لعبة الأيروبيك؟

الأيروبيك ده فرع من فروع الجمباز لان الجمباز 6 أنواع “فنى..عام..ترامبولين..ايقاعى..أيروبيك”

والنوع ده يعتمد على الحركات الأرضية و ازاي نعمل منها جمله و نأديها على الموسيقى

عرفتي اللعبة منين؟

أنا بدأت ألعب جمباز وأنا عندي 5سنوات الى عرفني اللعبة كابتن أحمد غريب وهو اللي قالي على النوع ده من الجمباز

بتشجعي صحابك يلعبوا اللعبة دي ولا لا؟

أكيد بشجع صحابي لأنها لعبة مفيدة للجسم والعضلات وكمان محتاجة تركيز وانتباه.

أي هي أخر بطولة أخدتيها وكان إحساسك أي؟

أخر بطولة أخدتها حصلت على المركز الثانى ميداليه فضية كنت أشعر بالحزن لأننى تمنيت الحصول على المركز الأول وحصد الميدالية الذهبيه.

اشمعنا اختارتي النوع ده من الجمباز؟

لأنه مناسب لجسمي و يقوي عضلات الجسم و بيساعد على التركيز والانتباه لأن الجملة بتتعمل في وقت معين مع الموسيقى فلازم أبدأ وأنتهى مع الموسيقى.

نفسك تكوني اية ؟ ومين بيشجعك ؟

نفسى أوصل لمنتخب مصر والأولمبياد ، ماما دايما معايا ومشجعاني أكون أحسن

في النهاية مين مثلك الأعلى؟

مثلى الأعلى ميرهان خطاب.

أما أنا زينه أحمد درويش

عندي 5 سنوات في مدرسة دار التربية الخاصة للغات شبين الكوم منوفية ، بلعب جمباز فنى.

طيب لي اختارتي جمباز انت كمان؟

أنا شفت زهوة أختي بتلعب جمباز فحبيته وهو أصلا لعبة بتبني الجسم وتشده وتخلي شكله جميل ورشيق.

مين بيشجعك تكملي في اللعبة دي؟

ماما هي الى بتحفزني وبتيجى معايا التمرين

عاوزه تكوني زي مين يا زهوه ونفسك تكوني أي ؟

عاوزه أكون زي نانسي طمان بطلة الجمهورية وعلي زهران ، كمان عاوزه أدخل المنتخب أشرف مصر كلها.

إيه هي البطولات الى أخدتيها؟

أخدت بطولة الجمهورية للأنسات تحت 6سنوات مرتين لأنى دخلت وأنا سنى صغير كان عندي سنين اول ما بدأت أخدت كمان بطولة الجمهورية للهواه 2019

لو مكنتيش لعبتي جمباز كنتي هتلعبي ايه؟

أنا لعبت باليه شوية بس حبيت الجمباز أكتر.

في النهاية كل الشكر للأسر الداعمة لأبنائها كي يصبحوا ابطالاً نفتخر بهم ويفتخروا بهم ويكونوا دعاة لبناء الوطن .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة لـ مجلة هافن HAVEN Magazine
إغلاق