استضافت الإعلامية ياسمين عز في برنامجها التليفزيوني “كلام الناس”، المذاع عبر قناة MBC مصر الفنان خالد محمود حيث كشف خلال الحلقة عن عدد كبير من التصريحات العملية والشخصية والتي كان من أبرزها سبب رفضه مشاهد القبلات في الأعمال الفنية.
أبرز تصريحات الفنان خالد محمود من برنامج كلام الناس
ربنا جعلك نصيرة الرجالة إن شاءالله الرجالة بخير، ولو اتقدمتي لمجلس الشعب كل الرجالة هتقف وراكي انتي مش متخيلة انتي عاملة في الرجالة ايه.
أنا ضد البوس في الأفلام عشان مغضبش ربنا، واللي يخلي مراته تتباس في السينما يتحمل.
أنا عمري ما تدخلت في حياة حد وكل واحد مسئول عن اختياراته و بالبلدي كل واحد عقله في رأسه يعرف خلاصه، وأنا مش هعدل على واحد أو واحدة خدت قرار في حياتها و شايفينه صح.
أنا مؤمن بالسينما النظيفة تمامًا، وأنا تعرضت لها في أحد الأفلام أن المخرج كان عايزني أبوس البطلة، فسألته إيه لازمة البوسة؟ أنت ممكن تعوض المشهد بالكاميرا بطريقة معينة، وهو كان مصر وأنا رفضت تماما والحمد لله صورنا من غير المشهد، وقولتله في النهاية المشهد مش هيضيف بلاش تخليني اللعب على الغرائز وأشيل ذنب ووزر حد في حاجة حرام.
أنا مش بقول إن بنتي متمثلش بغرض إني أزعل الناس مني، ولكن أنا عارف قد إيه الطريق مرهق بالنسبة للبنت، وفي بنات بتقدر تتحمل وفي بنات بيعجزوا في النص وبيقعدوا في البيت، فأنا من إشفاقي على بنتي قولتلها بلاش تمثيل.
الراجل والست بقوا بعاد عن الدين عشان كدة وصلنا للي وصلناله ده المفروض الأزهر يطلع كتاب لكيفية التعامل مع الزوج والتعامل مع الزوج و يمتحنوا فيه قبل الجواز، لازم يكون في أدب الاحترام، ودي أساس قوام اي بيت.
عملت مفاجأة لمراتي ليلة الفرح وبدل الحصان الأبيض رحت لها سايق طيارة.
والجدير بالذكر أن تعاون الفنان خالد محمود مع عدد كبير من نجوم الوسط الفني في مسلسل “نقل عام” أبرزهم الفنان القدير محمود حميدة، سميحة أيوب، سوسن بدر، أحمد بدير، محمد محمود عبد العزيز، محسن محيي الدين، نهال سلامة من تأليف وليد خيري ومن إخراج عادل أديب.
