✍🏻 إيمان الجندي
حلت النجمة نجلاء بدر ضيفة برنامج “The insiderar”، وصرحت عن كيفية أختيارها للعمل الفني.
نجلاء بدر عن أختيارها لحكاية “روليت”
قالت النجمة نجلاء بدر:” أنا طول الوقت في رحلة البحث أن يكون في فكرة، ويكون في أدوات جديدة أنت هتستخدمها، ويكون في إحساس جديد، ويكون في مخرج عنده فكر جديد، ويكون في بطل قدامك عنده طاقة جديدة، وده اللي لقيته في حكاية روليت”.
وأضافت قائلة:” ودي معادلة بتبقى صعبة، ممكن تلاقي الجمهور متعاطف معاك عشان بيحبك أو بيحب أعمالك أو شكلك، ولكن تلاقي في تقييم فني وده يهمني على مستوى خطواتي، ويهمني أن يكون في تقييم مبني على أسس فنية، فـ الأتنين نادراً أما بتحصل ولما بتحصل أنا بتبسط أوي وأنت كده بتعرف أنك حققت هدف كان نفسك فيه من زمان، وأما يحصل تكافؤ بين الكفتين”.
https://www.instagram.com/reel/CnnNvuthEqQ/?igshid=Yzg5MTU1MDY=
مسلسل في كل أسبوع حكاية
يتكون مسلسل”في كل أسبوع حكاية” من 6 حكايات كل حكاية مكونة من 5 حلقات فقط، وتدور أحداث المسلسل حول الطلاق والمشاكل الأسرية في إطار إجتماعي، وكل حكاية منفصلة عن الأخرى، ومن ضمن هذه الحكايات حكاية “روليت”.
حكاية روليت
عُرضت حكاية “روليت” السبت الموافق 7يناير على قناة cbc وتصدرت أولى حلقات المسلسل التريند بعد صدورها، وتدور أحداث المسلسل في إطار تشويقي إجتماعي.
أبطال حكاية روليت
يشارك في بطولة المسلسل العديد من النجوم أبرزهم نجلاء بدر، نضال الشافعي، دعاء حكم، إنجي شرف، أحمد يونس، أحمد باسم، ومن إخراج معتز حسام، وتأليف مصطفى جمال.
صرحت الفنانة نجلاء بدر أثناء مداخلة هاتفية في برنامج “مساء dmc” الذي يقدمه الإعلامي رامي رضوان بعض الأشياء التي تخص حكاية “روليت”.
نجلاء بدر عن النجاح الذي تلقاه المسلسل
وردت الفنانة نجلاء بدر عن سؤال إذا كانت تتوقع هذا النجاح الكبير الذي تلقاه المسلسل قائلة:” محدش بيشتغل في مهنتنا حتى لو إعلامي أو مطرب أو رسام بيتوقع النجاح، أحنا بنشتغل وبنعمل اللي علينا وبنتمنى أننا نعمل أحسن حاجة، ولما بنلاقي أحسن حاجة بنتمسك بيها فعلاً”.
وأضافت قائلة:” ولما بتبقى متوفر لها كل سبل النجاح من إخراج ومدير تصوير وجهة إنتاجية وممثلين، أوقات بيبقى عندنا طاقة حلوة أوي”.
سبب موافقة نجلاء بدر لحكاية روليت
أما عن سؤال السبب اللي شدها للحكاية قالت:” فكرتني بفيلم حافية على جسر من ذهب، وهي علاقة الممثلة بالمخرج، وديه بردوا مش القضية، يمكن إنسانيات الفنان، دايماً بنشوف أن الفنان في الدراما بنشوف أن دايماً بيحب يلبس ويخرج وفيها نوع من الرفاهية”.
وتابعت كلامها قائلة:” لكن النص عجبني لأنه نقل الواقع، أن الممثل إنسان، بيحب وبيكره وبيزعل وبيتجرح وبيتحط في مواقف صعبة، وبينقل ظروف الفنان الطبيعية أنه بيحاول يحافظ على بقائه وبيحاول يلاقي شغل كويس، لأن شغلتنا ليست وظيفة بناخد منها مرتب كل شهر، وفي ناس بتفضل سنين مش بتشتغل، والحكاية نقلت ده”.
https://fb.watch/iayRMXZDER/
