تشارك الفنانة منة تيسير في حكاية “مهلة أخيرة” من مسلسل “كل اسبوع حكاية” مع النجوم داليا مصطفى ونور محمود، تجسد خلال الأحداث شخصية تقدمها للمرة الأولى بتوقيع المخرج معتز حسام الذي تجتمع معه للمرة الأولى.
وقالت منة لـ هافن: “أقدم شخصية فتاة تدعى رغدة وهي شخصية جديدة عليا وأول مرة أقدمها ، فهي شخصية تحتاري فيها أنتي مش عارفة هي طيبة ولا شريرة، جدعة أو خبيثة، طول عرض الحكاية هتكوني محتارة فيها”.
وأضافت قائلة: “أكتر حاجة شدتني في الشخصية إنها جواها كويسة وضميرها موجود على عكس ما هتشوفها أول مرة، وكل شخصية بقدمها بتكون نمط واحد ياما طيبة أو شريرة أنما كل الصفات دي وأن الشخصية نفسها تكون محتارة دا جديد عليا”
تجربة التعاون مع المخرج معتز حسام
أما عن تجربة التعاون مع المخرج معتز حسام فقالت منة في تصريحاتها: “سعيدة جدًا بتجربة التعاون وأنها أول مرة أتعاون معه وسعيدة جدًا باختياره ليا، وأنه كان مؤمن إني أقدر أعمل دا، وخاصة أن كل أدواري دور البنت الرقيقة الهادية لكن شخصية الخبيثة دي أول مرة أعملها ومبسوطة إنه حطني في الخط الدرامي دا”.
الكواليس مع فريق العمل
وتحدثت منة عن كواليس العمل قائلة: “سعيدة جدًا بالعمل مع داليا مصطفى ونور محمود، وأنا وداليا بنحب بعض جدًا وفي كيميا ما بينا، مع إني أحداث المسلسل طالعين مش بنحب بعض خالص، نور محمود مبسوطة جدًا إن اشتغلت معاه و بقالنا فترة بنرتب نشتغل مع بعض، وأجواء المسلسل حلوة وكواليسها جميلة وربنا يكتب لنا التوفيق والنجاح، وكمان الفنانة ناهد رشدي مبسوطة جدًا إن اشتغلت معاها وخاصة إن بقالي كتير مشتغلتش معاها”.
أكثر شيء متحمسة له في الشخصية
واختتمت منة تصريحاتها: “متحمسة للشخصية وفكرة صراع الستات مع بعض ومش عارفة الناس هتكون حباني، حاسة بيا أو تكرهني، مش عارفة الموضوع هيكون عامل ازاي معاهم، وخاصة إن بقالي كذا سنة بحاول على قد ما اقدر تكون أدوار مختلفة مش فكرة أن أكون موجودة وخلاص”.
والجدير بالذكر أن يشارك في بطولة حكاية “مهلة أخيرة” كل من داليا مصطفى، نور محمود، منة تيسير، لبنى ونس، ناهد رشدي، أشرف طلبة، ومن تأليف مصطفى جمال هاشم، وإخراج معتز حسام.
