الفن نيوزفن

تامر حسني يستعين بأغنية إبدأ بنفسك لـ تقديم نصيحة للشباب

نشر نجم الجيل تامر حسني مقطع من أغنية “إبدأ بنفسك” من خلال صفحته الرسمية بموقع “فيس بوك” ليقدم من خلالها نصيحة للشباب.

حيث علق عليها قائلًا “إيه رأيكم في فكرة الصحاب، كم حد فيكم ليه صحاب شجعوه على إنه يطلع قدام وكام حد فيكم أصحابه كانوا سبب تأخيره واحباطه”.

https://fb.watch/iib-i-v0Yn/

كلمات اغنية إبدأ بنفسك

إبدأ بنفسك إغلب شيطانك ونفسك الأمارة بالسوء، إبدأ بنفسك إغلب شيطانك لا الدنيا تاخدك إلحق فوق..

مش هبص لرزق غيري وهحمد ربنا على كرمه اللي يشوف الآلآم الناس بجد يهون عليه المه، وهحافظ على لساني ومفيش كلام على حد مش موجود مش إحترام إني في ضهر حد اتكلم عشان مش هقدر لو موجود..

مش هبص لبنت ماشية واضايقها بأي كلام وخلاص عشان اللي مرضاهوش على بيتي مرضاهوش لبنات الناس..

لازم أعرف أختار صحابي ويكون لي حلم عشانه بعيش، محتاج أنا كل دقيقة بتضيع على ناس ما تلزمنيش.

تامر حسني يقدم نصائح إيجابية للشباب

وقد نشر مشهد من فيلم “مش أنا” منذ شهر عبر “فيس بوك” يحمل رسالة هامة للأشخاص المصابون بأي أمراض نفسية أو جسدية.

حيث قال “المشهد ده فيه رسالة جميلة أحيانًا ممكن يبقى ليك صديق أو ليكي صديقة مريضة أو تعبانة أو في حاجة فيها تضايقها، نحاول إن إحنا عمرنا ما نسخر من حاجة في حد هو ملوش ذنب فيها”.

واستكمل حديثه قائلًا: “لإن الشخص دا أصلًا نفسيًا مع نفسه اللي فيه مكفيه لو كان ربنا كاتب إن إحنا اللي نبقى حواليه فأكيد عشان نشجعه و مايقفش عند الموضوع ده و يعرف إن في ناس عندها أكتر منه حاجات لا تحتمل”.

وأضاف: “قدروا ميشوفوش غير كل ما هو إيجابي وعرفوا يتصالحوا مع نفسهم و يبقى عندهم رضى من الدرجة الأولى و يحمدوا ربنا على ده و يفهموا إنه إبتلاء أو اختيار له مكاسب أكبر و اكتر من اللي معندوش”.

وتابع حسني: “الشاطر بس اللي يفهم كده و دا دور الأصحاب الطيبين اللي ربنا ممكن يجازيهم خير مكانوش يحلموا بيها بسبب الدعم النفسي لغيرهم بسبب الكلمة الحلوة والله ياجماعة الكلمة الحلوة ممكن تساهم في إن شخص ينجح و إن شخص يفشل الكلمة الحلوة ممكن تدي امل عظيم للحياة”.

وأنهى حديثه قائلًا “تخيلوا الرصاصة بتموت شخص لكن الكلمة السامة المحبطة اللي ممكن تلوث فكر وتبوظ عقل جميل ممكن تموت أجيال”.

https://fb.watch/iifjIChO3k/

وفي هذا السياق شارك في بطولة فيلم “مش أنا” كل من تامر حسني، سوسن بدر، ماجد الكدواني، حلا شيحا، وآخرين من إخراج سارة وفيق.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!