طرح المنتج السعودي الشهير سلطان الشن أغنية جديدة تحمل اسم “العمر راح جمايل”، وذلك للمطرب سيف مجدي، عبر موقع الفيديوهات العالمي “يوتيوب”.
والأغنية بالتعاون مع طارق شئلشة، ومحمد عبد السلام، ومن كلمات أحمد الجوكر، وطارق شئلشة، وألحان سيف مجدي، ومن توزيع رامي المصري، مزيكا محمد عبد السلام، ميكس وماستر مو فاروق، ومن إنتاج سلطان الشن.
وتقول كلمات الأغنية:
العمر راح جمايل
ياخسارة الزمايل
أنا قلبي منكوا عبا
أنا قلبي منكوا شايل
العمر راح جمايل
ياخسارة الزمايل
أنا قلبي منكوا عبا.
أنا قلبي منكوا شايل
بناقص حد ناقص
يا صحبة المصالح
الحب زمانه عدى.
ماعدش حد صالح سيبوا اللى يقول يقول.
مش ماشية بالأصول
العيش والملح داب
كله لأجل الوصول.
سيبوا اللى يقول يقول
مش ماشية بالأصول
العيش والملح داب
كله لأجل الوصول.
جدع من صغر سني
والكل يحكي عني
أنا شاغل ناس كتير
ولا حد يوم شغلني.
كل سابني في عز همومي
شيلت كله في نن عيوني
وسط فكر وحزن سابوني وحيد.
أنا ماحتجتش حاجة منهم
كنت محتاج بس سؤالكوا
ليه ماجتش في يوم على بالكوا واتنسيت.
عذرا قد حضر الشن
عذرا كله هيتجن
عذرا كل الأرقام
الشن ده نمبر 1.
شايفكوا نسخة واحدة
و عبسلام براند
عبسلام لما بيحضر
لازم تشدو هاند.
يذكر أن من آخر أعمال المطرب الشاب سيف مجدي طرحه لأغنية “لا أبالي”، بالتعاون مع المطرب الشاب عمر الكروان، وحققت الأغنية نجاحًا كبيرًا ونسب مشاهدات عالية منذ طرحها من أكثر شهر مضى وحتى الآن.
الأغنية من كلمات أحمد الجوكر، ومن ألحان عمر الكروان وسيف مجدي، ومن إخراج عمر زكي.
