حل النجم مدحت صالح أمس ضيف حلقة حبر سري، مع المذيعة أسما إبراهيم علي قناة القاهرة والناس، ليكشف عن كواليس أعمالة الفنية.
وترصد مجلة “هافن” أبرز تصريحات عن الفنان مدحت صالح في برنامج “حبر سري”.
تحدث مدحت صالح في لقائة عن دوره في مسلسل “موجة حارة” قائلًا:”بالعكس حبيت أعمل الدور دا، لأن بحب أعمل عكس المتوقع في الدراما بتاعتي، أنا زمان عملت بطولات كتير مسرح وسينما وكنت بمثل دور الشخصية السوية أنا شخصيًا زهقت منها، فلما جالي الدور دا وإتشرحلي الدور وعلمني الأستاذ محمد ياسين، حبيت أعمل الدور وبالذات إني مع حد صديقي حبيت أغير الجهه بتاعتي، وفي العموم الدراما بتحب الأدوار الغير معتادة عشان تقدر تتحرك فيها”.
وتابع حديثة قائلًا:”لحد كبير موضة إصدار الأغنية ممكن تضيع الرؤية الموسيقية ليها بسبب الظرووف اللي إتفرضت عليها فـ بنضطر ننزل ونراجع فـ بتبقى مسألة أسماء وبس ودا واقع مش موضة”.
واصل مدحت صالح حديثة عن عملة للمهرجانات حيث قال: “عملت أغنية مهرجانات بأسم “دا أي دا” بس أنا مغنتهاش في الحفلات لحد دلوقتي لكن عملتها بالشكل اللي أنا بحبه ولما نزلت علي اليوتيوب ناس كتير حبيتها جدًا لأن أنا عملتها من وجهة نظري”.
استكمل حديثة عن رأية لو تم العرض علية في عمل غنائي شعبي حديث يزيد من شهرتة فـ رد قائلًا:” مبدئيًا أنا طبعا مش هعملها لو الدنيا كلها قالو اعملها مش هعملها أي يجبرني أن لساني يتفوه بمفردات أنا مش حببها لية ولحساب مين إما أحب أهزر مع حد مبحبش أهين حد”.
أضاف أيضًا حول وجود الفنانين علي الساحة الفنية بسب مشاكلهم وإن هذا ما يضرهم أو يساعدهم علي الشهرة والأنتشار قائلًا:” أنا بحملكو أنتو المسؤلية كـ أعلاميين لأن ممكن حد يحصل ومحدش يشاور علية هيعدي لكن اللي بيفتش ورا الحدث للأسف هما الأعلاميين وبيجروا ورا الأراء في الحياه الإفتراضية “.
وكشف عن رأية أم هو مع التريندات أم ضدها قائلًا:”النهاردة فيه تريند بكرا هيبقي في تريند تاني ينسي التريند الأول وهكذا أنا عندي التريند في جوهر الحكاية اللي عملها ويمكن العمل يستحق يبقي تريند”.
تابع حديثة عن حلفته في إسرائيل قائلًا:” أنا قدمت حفلتين في إسرائيل ودي حقيقة مش إشاعة المرة الأولى روحت أغني للفلسطنين بمناسبة عيد الأضحي والمرة الثانية روحت للفلسطنين وكانت حفلة رمضانية مع عدد من المطربين وغنيت في إفتتاح الفضائية الفلسطنية بوجود السيده سهي عرفات”.
مدحت صالح يشعل أستوديو حبر سري
أشعل الفنان مدحت صالح أستوديو حبر سردي بأغنيتين هما أغنية “وردي”، وأغنية “يتقال زي ما يتقال”.
