"بحب أدلع ومبحبش المقارنات لأنها مؤذية نفسيًا".. أبرز تصريحات مدحت صالح في حبر سري

حل النجم مدحت صالح ضيفًا في برنامج “حبر سري”، الذى تقدمه الإعلامية أسما إبراهيم، عبر الفضائية قناة القاهرة والناس.

وكانت الحلقة منقسمة على جزئين أمس وأول أمس، وترصد مجلة هافن أبرز تصريحات مدحت صالح في حلقته مع أسما إبراهيم أمس.

أبرز تصريحات مدحت صالح

•أنا بحب أدلع حبيبتي ومراتي ولكن أنا بحب أدلع أكتر وممكن أكون أناني بس هي جميلة بكل المعاني

•الحب أجمل حاجة في الدنيا وعشان نستوعب مفهوم الجملة دي لازم نكون كبرنا شوية ونحطها في موضعها المعين

•أنا طول عمري مليونير من ساعة ما بدأت الغناء بالرضا، والحمد لله ربنا لم يضعني في مواقف صعبة أو مخيفة ومرعبة وطول عمري مليونير بالقناعة والرضا

وتحدث عن غناء تامر حسني لـ أغنيته “كوكب تاني” وغناءه لـ أغاني فنانين آخرين

•تامر حبيبي وابن حبيبي واعجابه بالأغنية يخليني اضربله تعظيم سلام، أنا فرحان لـ حبه بالأغنية

•تامر اليوم ده غنى لناس كتير منهم هاني شاكر وده يدل على رقه مشاعر ونقاء قلبه معندوش أي حسابات أخرى غير أنه بيحب العمل الفني

•تامر حسني فنان شامل لحن وغناء وتمثيل، فنان عمل كل حاجة جميلة

•تامر حسني صاحب القرار في مشواره الفني وهو صاحب الرؤية، أنا بنبسط لما بتفرج على تامر حسني

وأبدى مدحت صالح خلال الحفلة عن رأية في تربع عمرو دياب على العرض مؤضحًا أنه خارج هذا الترتيب والألقاب

•تربع عمرو دياب على عرض الأغنية في مصر ده جمال ونجاح ونجاحه يضايق الناس اللي قلوبها ضعيفة ولكن الناس اللي قلوبها حلوة مش هتضايق

•أنا متعتي في الحياة أني أغني دون أن يحصل أي تشابك بيني وبين أى حد والمقارنة لا تشغلني

•أعتبر نفسي بره مدرسة الترتيب والألقاب، وأنا مبحبش التصنيف ولا الترتيب لأن ده مؤذى نفسيًا لناس كتير

•عايزين نعلم الشارع إن المقارنة فكرة إحنا اللي اخترعناها وأنا بحب استمتع بحياتي واللي عايز يستمتع بحياته يفكر في الأعمال مش الأشخاص

وكشف صالح عن هل فيما بعد ممكن أن ينفذ مذكراته لـ عمل فني

•لا أوافق على كتابة مذكراتي ولا تقديمها عمل فني ومش بحب التمجيد

•لو فيه عمل فني بيتكلم على رحلة فن اهلا وسهلا إنما حياتي الشخصية أرفض حد يتدخل فيها

•الغناء فلوسه أكثر من التمثيل

الوسوم

دقيقة واحدة