تحدث الفنان حسين فهمي في الندوة التي تحمل عنوان “تجربتي مع صلاح جاهين”، الذى أقيمت في معرض القاهرة الدولي للكتاب في دورته الـ 54، عن أعمال السيرة الذاتية وعن سنه مؤكدًا أن السن مجرد رقم.
أبرز تصريحات حسين فهمي في ندوة “تجربتي مع صلاح جاهين” في معرض القاهرة الدولي للكتاب
•السيرة الذاتية الأعمال بتاعتها منجحتش زى ما كان فى مسلسل عن سعاد حسنى مكنش ناجح وفى ناس مابتحبش تتحدث عن سيرتها الذاتية وتتحول لأعمال وساعات الورثة كمان مابتحبش
•لازم الفنان يكون مثقف، وأنا لحد النهاردة بثقف نفسى وبروح معرض الكتاب أشترى كتب وبروح معارض ومتاحف ونصيحتى لكل فنان لازم تبقى مثقف وتثقف نفسك ومتقلدتش حد لازم يبقى ليك الاستايل الخاص بك
•السينما المصرية هى السينما الأم لكن اتسحب البساط من تحتيها، والسينما ضعفت مسمار الكرسى بتاع السينما مستورد بنستورد كله مش بنصنع ولازم نستفيد بالإمكانيات اللى عندنا ونطورها
•المجتمعات مش بتتقدم غير بحرية التعبير وقبول الآخر ونتناقش ونتقبل كلنا البعض، الموقع الجغرافى بتاعنا حتم علينا الصراعات اللى عشناها ومصر عمود الخيمة هى اللى شايله الكل
•السن مجرد رقم وزمن الشقاوة موجود هيروح فين.
•بعد إعلاني مع مصطفى أخويا واحد قالي ده أحلى حاجة عملتها في حياتك، وأنا مكنتش عاوز أعمل الإعلان ده معاه
•أعمالي معتمدتش فيها على وسامتي والاستمرارية مش بتيجي غير بالقدرة على الأداء والتغيير
•لازم يكون فيه حاجة الفنان يقدمها ويُثير المشاهد وأحاسيسه، الفنان لازم يكون مثقف وبيتقن لغات، وأنا لحد النهاردة بعلّم نفسي، وبأجي معرض الكتاب وبشتري الكتب.
انطلقت أمس فعاليات معرض الكتاب، في دورته الـ 54، والذى ينعقد من يوم 25 يناير حتى يوم 6 فبراير، وتحمل هذه الدورة شعار على اسم مصر.. معًا نقرأ ونفكر ونبدع”.
