طرح المطرب نبيل أغنية جديدة تحمل اسم “عايش في الضباب”، وتم طرحها عبر قناة الشركة المنتجة للأغنية عبر موقع الفيديوهات العالمي “يوتيوب”.
الأغنية من كلمات وألحان مصطفى شكري، ومن توزيع أحمد أمين، وتسجيل صوتي أكرم عادل، هندسة صوتية هاني محروس، جيتار مصطفى أصلان، عود إسلام الأبتي،ومن إخراج وإنتاج نصر محروس.
وتقول كلمات الأغنية
عايش في الضباب من بعد أما غاب
من بعد أما راح من بعد أما ساب
متقطع جروح ماشي منين ما أروح
قدام مني صورته
حاسس أنا بطلوع الروح
مين يجيبه تاني
قدام مني ولو ثواني
كل أيامي معاه وحشاني
كل مشاعري مأنباني
ماشي في الشوارع تايه
بحلم إنه راجع
مش هتخلص المواجع
غير برجوعه ليا تاني
لفيت البلاد
واختارت البعاد.
سيبت كل الناس عشانه
كنت على استعداد
أتغير كتير
وأبقى أحسن كتير
واللي تاعبني وهو ماشي
شافني مافياش خير.
هنروح تاني فين
قوللي نجيب منين
حد نعيش معاه ويكمل سنين
اللي في قلبي ليك
ما إتقالش إلا ليك
قلبي في الغياب
متقطع عليك
تايه بين ألوف.
لو تسأل تشوف
كل يوم يفوت
بتسوء الظروف
كل يوم بحال
والأحزان جبال
كان لي معاك أمان
وإتبدل بخوف
لو مفيش رجوع
وراضيلي الدموع
وأفضل في المكان
ضايع كل يوم.
فين هيروح مكان
حضنك والأمان
ده اللي اتعاش زمان
كان لازم يدوم
قابل بالعتاب
فاتح ألف باب
ايه فايدة غياب
بيموتنا موت.
ارجع لسة في اللي مشتريك
قوللي كسبت ايه
عارفك مش مبسوط.
يذكر أن من آخر أعمال المطرب نبيل طرحه لأغنية “نفسي أفوق”، وحققت الأغنية نجاحًا كبيرًا ونسب مشاهدات عالية وصلت لأكثر من 11 مليون مشاهدة حقيقية عبر موقع الفيديوهات العالمي “يوتيوب”، بعد شهرين من طرحها.
الجدير بالذكر أن من أبرز أغاني نبيل أغاني :”نفسي أفوق، جاحدة، الناس الغاليين، لا أي أي، درس حياتي، بياع كلام، ياللا، عامل إيه، على فكرة”، وحققت جميعها نجاحًا جماهيريًا كبيرًا.
