طرح الفنان هيثم شاكر اليوم أحدث أعماله الغنائية اليوم وهي أغنية “مسيلي على عيونك”، وروج لها من خلال حسابه الرسمي على “انستجرام” من خلال البرومو التشويقي وكتب: “مسيلي على عيونك وياريت تتوصى بزيادة، أسمعوا أغنيتي دلوقتي على يوتيوب وعلى جميع المنصات” ليتفاعل الجمهور مع البرومو ويعلق تعليقات إيجابية ويعربوا عن إعجابهم بـ لون الأغنية.
الأغنية من كلمات أحمد سامي وألحان محمد النادي وميكس ماستر شريف مكاوي وإنتاج شرقي برودكشن.
https://www.instagram.com/reel/CoC14cJolmO/?igshid=Yzg5MTU1MDY=
كلمات الأغنية:
مسيلي على عيونك وياريت تتوصى
وبزيادة وصلي سلام مخصوص جدا
وموجه كالعادة من قلبي لقلبك قوله
واحشني وقريب نتقابل
أنا عارف إن أنت بتنسى لكن تنسى
في كله إلا ده ليك هنا
هنا جوا قلبي وجوايا
شوق نفسه يلاقاله نهايه
وارتاح شوية من سهر لياليك
ياه ده انا بعدك مخليني
في حالة هات بس روحك
وتعالى وانا هحكي ليك انا
كنت حاسس ايه
آخر أعمال هيثم شاكر
وفي سياق متصل، يعتبر آخر أعمال هيثم هي أغنية “شفت” برفقة ميرنا هشام الذي نالت على استحسان الجمهور بشكل كبير وهي من كلمات منة عدلي القيعي وألحان عزيز الشافعي.
كلماتها:
شفت يا حبيبي يا حبيبي شفت
شفت يا حبيبي يا حبيبي شفت
شقت العند ازاي ضيعنا
ازاي خلانا توهنا وكبرنا
الدنيا مابينا وقولنا قدرنا
ساقنا الكبرياء
بكلمة حب كانت هتعدي
ليه سنة بسنة قلبنا تحدي
ليه ولا جتلك او جيت عندي
رغم الاشتياق
فيه في الدنيا دي ايه يستاهل
اننا نبعد كدة بالساهل
هد العند حبايب ياما
غريبة الناس بتعيش تتمنى
تلاقي حبيب بعدين تستنى
يطول البعد وادينا عملنا
زي الناس دي وقولنا كرامة
استنينا مين يجي الاول
باخ البعد ما بينا وطول
اتلككنا بقينا بنهول
سيبنا ايه لاتنين اعداء
استنينا مين يجي الاول
باخ البعد ما بينا وطول
اتلككنا بقينا بنهول
سيبنا ايه لاتنين اعداء
ده اللي مابينا كان ا حلى واكبر
ليه انا عاندت وليه بتتكر
فاضل ايه في الدنيا يصبر
سبب بكاء هيثم شاكر على مسرح جدة في حفله الأخير
تداول رواد السوشيال ميديا مشهد بكاء هيثم شاكر على المسرح بعد لقاء الجمهور وهتافهم بـ اسمه مما جعلهم يدعموه بشكل كبير وتصدر هذا المشهد التريند ولكن كان السبب مجهول فأحدهم قال بسبب أزمته المرضية التي كر بها وآخر قال بسبي عودته للغناء على المسرح مرة آخرى في بلد عربي
ولكن هيثم كشف السبب وقال: “انا قريت اسباب كتير ولا واحده منهم صح والتفسير المظبوط للمشهد ده، انا عشان اتولدت في السعودية بمدينة جدة فشريط حياتي عدى من قدامي وانا واقف على المسرح”
وتابع: “الطفل الصغير الي حلم يبقي مطرب وكبر والحلم اتحقق ولما الحلم اتحقق سأل نفسه كتير هل هرجع للبلد دي واغني فيها ودي كانت اول حفله ليا في السعودية، ذكرياتي محفورة في السعودية حسيت شريط حياتي كله فعلا بيعدي قدامي ومعرفتش اتحكم في مشاعري خالص”.
هيثم شاكر وظهوره الإعلامي المتكرر
يشار إلى أن هيثم شاكر ظهر في أكثر من برنامج خلال الفترة الماضية وأدلى من خلال كل برنامج تصريحات مختلفة ومن أبرز البرامج برنامج “أنغام” وبرنامج “معكم منى الشاذلي” وبرنامج “أبلة فاهيتا” وبرنامج “عرب وود”.
