أحتفل أمس المطرب الكبير علي الحجار بعيد زواجه العشرين، من زوجته هدى، وذلك بعد قصة حب كبيرة شهد عليها الوسط الفني بأكلمه.
وقال الفنان علي الحجار أن زوجته تدعمه دائمًا وتقف بجواره، وتقدم له النصائح والنقد.
وتابع الحجار أثناء مداخلة هاتفية في برنامج “الستات”، المذاع عبر شاشة قنوات النهار،:”إحنا لينا شهر بنرتب هنحتفل بعيد جوازنا العشرين إزاي وهنعمل إيه، والحمدلله أصحابنا جم وأسعدونا في البيت، وكان يوم حلو وفيه حالة فرحة منهم زينا بالظبط”.
وأضاف:”الحب بيعالج أي حاجة في الدنيا، ملخص العشرين سنة زواج هدى مش بتطنش أي حاجة، أنا مسمي هدى أبلة الناظرة طول الوقت ملاحظات وواخدة بالها من كل حاجة، النقد السلبي بتقوله دائما وأولى عشان أصلح أكثر من نفسي، وأنا وهدى أصدقاء جدا وبنتعامل كأصدقاء ودا نفعنا جدا”.
علي الحجار يتفائل بزوجته
وقال علي الحجار إنه دائمًا ما يتفائل بتواجد زوجته معه، معلقًا:”بتفائل بوجود هدى مراتي معايا في الحفلات، وهي مرآة حقيقية لي، الفنان دايما بيحتاج مرآة له في حياته، الشهرة والمعجبين ممكن تخلي الفنان بيكذب على نفسه، لكن لما يكون في حد بيوريه نفسه كأنه مرايته بيفيد جدا”.
كلمة “هدى” زوجة علي الحجار
تحدثت هدى عن نقدها لعلي الحجار، معلقة:”في نقد ولكن مش لازم نسميه نقد، دا حرص أنه يكون كل حاجة مظبوطة جدا، وهو فعلا مسميني أبلة الناظرة”.
وتابعت:”أنا دايما بقول مش بعرف أتعامل مع أي حد مش حقيقي، وبحب أتعامل بطبيعتي ويمكن الناس بتشوفني طيبة عشان كدا، عشان أنا بحب أكون طبيعية وحقيقية”.
آخر أعمال علي الحجار
يذكر أن من آخر أعمال المطرب الكبير علي الحجار طرحه لأغنية “الساعة 12 ودقيقة”، وذلك بمناسبة رأس السنة الجديدة 2023، وتم طرحها عبر موقع الفيديوهات العالمي “يوتيوب”.
الأغنية من كلمات الشاعر سالم الشهباني، ومن ألحان أحمد حمدي رؤوف، ومن توزيع أحمد شعتوت.
كلمات الأغنية:
الساعة 12 ودقيقة
سنة راحت سنة جايه جديدة
هنودع فيها إحنا زعلنا
ونقول له كمان فرصة سعيدة.
شكرا والشكر كمان واجب
لقلوب بتطمن وتريح
للمة الحلوة اللي تفرح
ويارب مافيش واحد بينا
متأخر. ولا واحد غايب.
الساعة 12 ودقيقة
سنة راحت سنة جايه جديدة
أضحك من قلبك واتمنى
صدقني ما.
شكرا والشكر كمان موصول
للناس اللي تقوي وتسند
ولا تنسي العشرة ولا بتبعد
ولابوم بتشيل في قلوبها زعل
أول مابتزعل بتقول.
الكون لو كان ابيض وأسود خليه ألوان.
والسهرة بتحلى وصباحي والليل سهران
الفرحة بترقص وتغني وف كل مكان.
مش سامع صوت المزيكا عليها كمان.
الجدير بالذكر أن يستعد المطرب علي الحجار لإحياء حفل غنائي كبير في دار الأوبرا المصرية، وذلك بمناسبة عيد الحب.
ويحيي الحفل يوم الإثنين الموافق 13 فبراير المقبل، على خشبة المسرح الكبير، في تمام الساعة الثامنة مساءًا، بقيادة المايسترو محمد الموجي.
ومن المقرر أن يطرب الحجار جمهوره بباقة من أشهر وألمع أغانيه الرومانسية، ومنهم تجيش نعيش، عارفة، بطلة حكايتي، الزين والزينة.
