تامر عاشور ضيف برنامج أجمد 7 الساعة 7، يوم الخميس مع الإعلامية جيهان عبدالله، عبر قناة نجوم أف أم.وتحدث الفنان تامر عاشور خلال لقائه مع الإعلامية جيهان عبدالله عن نجاحه في ألحان أعماله الفنية وعن ألحانه لفنانين آخرين وعن أغنيته التي تم تسريبها “ذكريات كدابة”.
تامر عاشور يتحدث عن ألحانه كشف الفنان تامر عاشور عن كواليس إعطاء ألحانه إلي فنانين آخرين بدلًا عنه برغم من أنه يعطي كل أحاسيسه في هذا اللحن، قائلًا:”والله دي موهبتي وأنا بحبها، بحب أني أنا ألحن، وبحب أني أنا أسمع الألحان بتاعتي بـ أصوات نجومنا في الوطن العربي”.
وتابع عاشور:”وفي أغاني بتبقى بناتي مينفعش نغنيها، ودي أغاني أنا بحب ألحنها، وبحب ألحن حاجات لـ أنغام مثلا، في الألبوم اللي فات لحنتلها ياريتك فاهمني، وفي الألبوم اللي جاي عاملها حاجات كتير أن شاء الله، فـ دي حاجة أنا بحبها ومش شرط اللي بـ لحنه يليق عليا، الألبوم بتاعي الجديد مفيهوش غير لحن واحد بس بتاعي”.
موعد ألبوم تامر عاشور الجديد وكشف تامر عاشور عن موعد طرح ألبومه الجديد قائلًا:” الألبوم هينزل في شهر 8 أو 9″.كواليس تسريب أغنية لـ تامر عاشور
وتحدث تامر عاشور عن كواليس أغنية كل يوم قائلًا:أغنية ذكريات كدابة أتسربت، والناس خدوا منها المقطع التاني وسموها ذكريات كدابة، ولما نجحت أنا قررت أني أصورها وأربط بينها وبين كلموها عني في كليب الأغنية فـ سمناها كل يوم”.
وأشار تامر عاشور أن أغنية ذكريات كدابة هي التي وضعت اللون الغنائي له قائلًا:”دي حقيقة هي وغيرها بردو زي هاجي على نفسي ومبتهزش عيشت معاك حكايات، رومانسي بس بتلمس، بيت كبير، جيت على كرامتي بتدبح، الأغنية اللي كلماتها حلوة وفيها لحن حلو يتلمس وبتعلم مع الناس الموضوع ملوش علاقة أوي بالحزن، طبعًا في حتة درامية ربنا ميزني بيها، بس حتة الشجن هي الأساس لولا دي مكنش حد هيسمع مني حتى الدراما”.وعن تألقه واختلافه في أعماله علق قائلًا:”
بحاول أخلق لنفسي أي أبديت في المزيكا أو الكلام أو في اللحن بس طبعًا ذكريات كدابة هي حاجة مميزة بالنسبالي لأنها كانت أول حاجة، ونقطة التعارف بيني وبين الناس، بعد كده في التقديم لما باجي أقدم أي حاجة للناس ببقى خلاص شيلت نقطة التعارف فـ بقيت اتجرأ شوية أني أعمل حاجة في المزيكا”.
https://youtu.be/HlWYb_8pT0Y: تامر عاشور: عندي أغاني بتلمس وأغاني بتدبح ولولا الشجن محدش كان هيسمعلي
