استضافت الإعلامية جيهان عبدالله، الفنان تامر عاشور، في حلقة خاصة في برنامجها “أجمد 7 الساعة 7″، وذلك عبر محطة راديو نجوم أف أم.
وكشف تامر عاشور خلال الحلقة مع الإعلامية جيهان عبدالله، عن كواليس آخر أعماله الفنية أغنيتي”بحبك وخايف”، “هتوحشنا”، وعن سبب عمله مع ملحنين وشعراء مبتدئين.
تحدث الفنان تامر عاشور عن أغنية “هتوحشنا”، قائلًا:”أغنية هتوحشنا شكل جديد الناس حبته وأنا بحاول ألعب على الحتة دي في الدراما المقسوم شوية، مش الدراما اللي زعلان أوي، دراما وأنت مفرفش أكتر، أغاني الدراما بتعيش وإحنا بنحب الحاجة اللي فيها قصة، يعني الفيلم اللي يقعدنا بليل كده يخلينا نعيط ده نحبه أوي”.
تامر عاشور يكشف سبب حبه لـ أغنية”بحبك وخايف”
وكشف تامر عاشور خلال الحلقة عن سبب حبه لـ أغنية”بحبك وخايف”، قائلًا:”بحب في هذه الأغنية إن كلامها يمشي على مواقف كثيرة، كلامها جذبني، والأغنية ممكن يكون فيها كلام صعب شوية في معانيه، والمقصود منها إنك مهم تأخذ قرار وتقول كلمة بحبك للشخص الذي تبادله الإعجاب بدلًا من شعور بـ الخوف من الإعتراف بمشاعرك”.
تامر عاشور يتحدث عن الشعراء والملحنين المبتدئين
ووضح تامر عاشور سبب عمله مع ملحنين وشعراء مبتدئين من فترة قصيرة قائلًا:”دايمًا ألبومي بيكون فيه ناس جداد مش معروفين كتير عشان بحس إنه فيهم حماس مش موجود، ومش بيسمعوني أي حاجة ومش بدخل في شغلهم، كان أمنية حياتي إني ألحن لمحمد فؤاد وأما عملت معاه حاجة نجحت، ومحمد فؤاد لامس الشارع”.
وتابع عاشور:”أنا بحب أركز في الأغنية ولحنها ومزيكتها وإذا كانت تليق عليا أو لا، وإحنا عندنا جيل جديد من الملحنين والشعراء لديهم كلمات وألحان مختلفة، وأحيانا بيشوفوا رؤية في الأغنية تليق على المطرب أفضل منه”.
وأعرب تامر عاشور عن حبه لـ لقب فرعون، الذى لقبه به جمهوره قائلًا:”عاجبني الحقيقة، ويمكن عشان غنيت أغنية اسمها فرعون في تتر مسلسل سابق للفنان خالد صالح، أو يمكن لسبب تاني معرفوش الحقيقة وممكن الجمهور هو اللي يقولنا السبب”.
آخر أعمال تامر عاشور
يذكر أن آخر أعمال الفنان تامر عاشور أغنية بعنوان “بحبك وخايف”، والتي تم طرحها منذ عدة أيام عبر قناته الرسمية بموقع الفيديوهات الشهير “يوتيوب، وتخطت الأغنية حتى الآن أكثر من 900 ألف مشاهدة.
ونالت الأغنية إعجاب الجمهور، وإشادات كبيرة من قبل رواد مواقع التواصل الاجتماعي، وتداول فيديوهات الأغنية عبر جميع مواقع التواصل الاجتماعي والتيك توك.
أغنية بحبك وخايف من كلمات محمد شافعي وألحان إسلام رفعت وجيتار محمد أصلان وغناء النجم الكبير تامر عاشور.
كلمات أغنية بحبك وخايف
بحبك وخايف نقرب
نضيع بحبك وعارف
بإنه استحالة
بحبك وآسف
خدتني الجلالة
أنا وأنت حالة
رفضها الجميع!
بحبك بقولها
وجوايا حرب بقولها في ضميري
أجي أنطقها صعب
ده موقف مصيري
بيعملي رُعب شوفها في عنيا
في رعشة إيديا هتلاقيها حية
في قلبي الخجول
طب اقرأ الرسايل
هتلاقيني قايل بإني بحبك
ما بين السطور
دي واضحة في كلامي
وباينة في سلامي
يا كل اهتمامي
وأكبر همومي
بخاف يوم ما أقولها متلعبش دورها
تموت من جذورها وأموت من ظنوني
بحبك وساكت
مبجيبش سيرة بحبك وفاهم
دي كلمة تقيلة ولو حتى هي
تبانلك عادية
شوفها بعنيا
تبان مستحيلة
