بقلم/ احمد عبوده
حلف بحياتك مش هسيبك .. وهو أول حد ساب
كان عامل فيها انه حبيبك .. مع انه طلع واطي وكذاب
في الماضي عامل ايوب .. وكل كلامه انه نصيبك
ياحلوه لو فيكي عيوب .. انا قابلك طبعا على عيبك
وعمال بكسر في القلوب
في الحاضر تتغير حالته .. وياحلوه ملكيش عوزه
البيه الصابر بجلالته .. اللي كنتي بيه محظوظه
اتغير فجأة بروح خالته .. طلع خاين زي الهوزه
ظالم لمشاعرك زي الغول .. وفي وشك قفل الابواب
وبكل برود يضحك ويقول .. ماتيجي تخلينا اصحاب
