حوارات

صلاح عاشور “الوقت كان قليل فى الزمالك والمقاصة نادى كبير ونصيحتى للشعب المصرى خليك فى البيت “

حوار /كريم زيدان – شهد محمد

صلاح أحمد محمد عاشور من مواليد ٨ سبتمبر لعام ١٩٨٧ ؛ لاعب نادي المقاصه لم يختلف عليه مدرب من حيث الموهبه والقدرة على احراز الأهداف.
فى حوار خاص لمجلة هافن

من البداية كدا ..كابتن صلاح عاشور كانت بدايته فين؟

ناشئين الزمالك سنتين ثانوي عام في البيت
ناشئين إتحاد الشرطة
ناشئين إنبي.
إنبي درجة أولى
بترول أسيوط إعارة ٦ شهور
إتحاد الشرطة ٣ سنين
كاظمة الكويتي إعارة ٦ شهور
إنبي ٤ سنين
الزمالك ٦ شهور
المقاصة حاليا

-ايه اكتر فترة كنت مبسوط فيها في مشوارك؟

كل الأندية فيها فترات سعيدة و فترات صعبة.

كنت سعيد في نادي الزمالك؟

كنت سعيد في الزمالك و كنت أتمنى التجربة تكون أطول

طب لو كان جالك عرض من الاهلي كنت هتوافق؟

أيوة هوافق

كابتن صلاح عاشور اهلاوي ولا زمالكاوي؟

زملكاوي جداً

بالرغم من كدا لو الاهلي بعتلك عرض هتوافق؟

اللعب لأي نادي مبقاش بالإنتماء أنا لو بلعب ضد الزمالك هبقى نفسي أكسب ، الكرة دلوقتي شغل مش لعبة و هواية

كنت سعيد بتجربة كاظمة الكويتي؟

جدا كانت تجربة جيدة واتعلمت منها كتير

طب ليه مكملتش في الكويت؟

أنا كنت رايح إعارة فقط كمان الدوري المصري كان متوقف بسبب الثورة و الدوري المصري أقوى من الكويتي بمراحل الدوري المصري بجمهوره كان شي رائع ، الدوري من غير جمهور عامل زي المباريات الودية.

اصعب لحظة مرت عليك وانت لاعب في ارض الملعب؟

لو ضيعت جول بتكون أسوأ لحظة

ايه اغلي بطولة كسبتها؟

أنا أخدت بطولة واحدة بس مع الزمالك الكأس

طب ايه اكتر بطولة زعلت عليها لما ضاعت منك؟

الكأس مع إنبي ضد الزمالك

انت كنت قلت في حوار قبل كدا ان اختيارات المنتخب بتكون من الاهلي والزمالك بس هل انت شايف دا مع كابتن حسام البدري؟

أنا قلت كدة مع تجربتي في المنتخب كان الأولوية للمحترفين و الأهلي و الزمالك مهما كان أداء اللاعب في نادي آخر .

يعني حضرتك شايف حاليا كابتن حسام البدري ممكن ياخد من اندية الدوري المصري؟

بس مع الكابتن حسام البدري أتمنى الفرصة تكون متاحة لكل اللاعبين. هو شخصية قوية و محترمة

مبسوط مع نادي مصر للمقاصة؟

مبسوط جدا طبعا نادي محترم بيضم لاعبين كبار و محترمين و إدارة محترفة و مدرب كبير و مختلف.

طب ايه سبب سقوط المقاصة في بداية الدوري بالرغم من وجود لاعبين كبار ومدرب كبير؟

كان فيه سوء توفيق غير عادي وعدم حب الكره لينا وده شئ بيحصل في كل أندية العالم

متدايق ان كابتن ميدو قدم استقالته كان نفسك يقعد مع المقاصة شوية؟

كابتن ميدو مدرب واعد لو معاه توفيق و لو فضل في المقاصة كنا هنستفيد منه بس يبقى فيه شوية توفيق .

شايف الكورة المصرية ازاي الفترة اللي جاية ولو الدوري استمر شايف مين الاقرب للدوري؟

طبعا بنقول يارب ارفع عنا الغمة و البلاء ؛الأهلي هو الأقرب للتويج لو الدوري كمل لاكن الدوري أقرب للإلغاء

طب توقعاتك ايه لنتيجة الاهلي والوداد والزمالك والرجاء؟

الأهلي و الزمالك في النهائي إن شاء الله

حاسس انك اتظلمت ف الزمالك؟

ممكن الوقت كان قليل لإثبات الذات.

نصيحة بقي للناس للوقاية من فيروس كورونا
تنصحهم بايه؟

Stay home

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!