✍🏻 إيمان الجندي
يعيش الفنان أحمد كامل حالة من النشاط الفني، حيث طرح اليوم 5 أغاني من ألبوم “بعد منتصف الليل” على موقع تبادل الفيديوهات الشهير “يوتيوب”.
أغنية يابا
طرح الفنان أحمد كامل أولى أغاني الألبوم “يابا” اليوم الساعة 5 مساءً، والأغنية من كلمات مصطفى ناصر وأحمد كامل.
كلمات أغنية يابا
مصعبش عليا غير نفسي
عشت مداري عينيا عن كل اللي فات
اللي جاي بيكي ماعدش جاي
هتاخدي إيه من قلب مات
وأنا يابا..يابا..يابا..يابا
ليه يا قلبي كل يوم تعيد
فيلم ياما أتعاد قدام عينيك
ألف مرة الحظ قال معاك
وأما جه الجد ساب إيديك
هي دنيا ماشية وأحنا فيها
ضحكة كاتمة دمعة بنداريها
ليه بندي للزمان أمان
بتآمنا السكة ونآمنها
وفي آخرها حزن ييجي منها
ونبكي على اللي كان
عدى فيا الخوف غير كتير
خد ملامحي وضاعت على الطريق
فين هروح وأهرب من الحزن فين
حتى حضن الليل عمال يضيق
جري جري وعمري يوم ما وصلت
فوقت متأخر وأديني لما فوقت
كان العمر مني ضاع
عمري فيلم وأما جيت أشوفه
شوفت قلبي خاف يعيش من كتر خوفه
يجي مشهد الوداع
أغنية شئ غيرك
طرح الفنان أحمد كامل أغنية “شئ غيرك” اليوم الساعة 6 مساءً، وتعد الأغنية ثاني أغاني ألبوم “بعد منتصف الليل”، والأغنية من كلمات خالد عصام وأحمد كامل.
كلمات أغنية شئ غيرك
وقفت الساعات وخد نفسه المكان
بيحضره لصدفة
بعد ما عدت سنين في عين مشتاقه لعين
وأخيرًا هتشوفها
شكلك أتغير عن زمان
قالها من غير ما يقول كلام
وقبل ما يبدأ بالسلام
إتضايق وسألها
شكلك أتغير عن زمان
قالها من غير ما يقول كلام
وقبل ما يبدأ بالسلام
أتضايق وسألها
قوليلي هل شئ غيرك
ولا أنتي أصلاً مسرحية وحابة كله يحضرك
كلميني عن حياتك إحكي ليا وقولي كلام
هو ليلنا لحد غيرنا
إحكي وأملي ليلي أمان
مبقتش قادر أفضل بعيد مبقتش قادر أكرهك
ولو الزمن وقف يعيد هيبقى فاضي مطرحك
عندي فضول أسمع كلام عنك ولو مع حد تاني
وغريبة موضوع الزمن قادر يكر سنين ثواني
أغنية رهان قديم
طرح الفنان أحمد كامل ثالث أغاني الألبوم “رهان قديم” اليوم الساعة 7 مساءً، والأغنية من كلمات مصطفى ناصر.
كلمات أغنية رهان قديم
عايش بتوه..تايه بعيش
مخلوقة ليه الذكريات مابتتنسيش
عمال أسكت قلبي وأكتم صوته فيه
والله يجازيها عينيا دي اللي مابتداريش
بكسب حاجات وأخسر أهم
يطلعلي جرح جديد وعشان في جرح لم
أنا حتى روحي خسرتها في رهان قديم
عايش عشان قلبي يا دوب بيطخ دم
بنادي عليا طول الليل..وطول الليل محدش رد
ببص على اللي فات أبكي..وأبص على اللي جاي أتخض
كل اللي أنا حبيته وأتعلقت بيه
بلاقيني ليه مكتوب عليا إني أخسره
لا في نومي شايف حلم أداري جروحي فيه
ولا لاقي راحة في ليلي عشان أسهره
كان نفسي يطلعلي جناحات وأهرب بعيد
لمكان مفيش جواه وجع ولا فيه فراق
لكن بخاف لو أطير أحس بخوف جديد
وألقى البراح اللي في سمايا عليا ضاق
أغنية في الوقت المناسب
طرح الفنان أحمد كامل أغنية “في الوقت المناسب” اليوم الساعة 8 مساءً، وتعد الأغنية رابع أغاني ألبوم “بعد منتصف الليل”، والأغنية من كلمات مصطفى ناصر وأحمد كامل.
كلمات أغنية في الوقت المناسب
طول الوقت خايف..بعمل للفراق حساب
عمال أحايل قلبي مش عارف أنام
لو تسألي عن حالي..بكدب وأقول إني تمام
أظن ده الوقت المناسب اللي أقولك فيه سلام
ملعون أبوها عينين
خلوني من الضالين
ما أعرفش رايح فين
ولا قلبي ليه ضايع
ما اقدرش أقولك مين
دلوقتي سايب مين
يكفي إننا واقفين
متباع قصاد بايع
وليه الدنيا تجمعنا
ما دام البعد هيصيبني
كأني كنت بلاقيكي
عشان الدنيا تغلبني
ياريته العمر ده بيتعاد
وأغير في اللي فات أنتي
كلام قولتيه واديه جه معاد
يبان عكس أما بينتي
وبعد ما عشت أنا صعبك
بدوق الموت أهو في طعمك
وليه أختارتيلي أموت في عذاب
ما كانت طلقة أسرعلك
أغنية بعد الكلام
طرح الفنان أحمد كامل الأغنية الخامسة والأخيرة من ألبوم “بعد منتصف الليل” اليوم الساعة 9 مساءً، والأغنية من كلمات خالد عصام.
كلمات أغنية بعد الكلام
وخليني في حساباتك ولو ممكن ما تكرهينيش
ساعات في حاجات بنخسرها عشان عايزين نسيبها تعيش
حطي نفسك يوم مكاني غمي عينك وامشي ورا قلبك وشوفي ليه بعاني
ماللي بايع واللي واخد روحي مني قلبه راجع
عايز ياخد حتة تاني حطي نفسك يوم مكاني وإبقي قولي
بعد الكلام اللي أخره سلام في إيه فاضلي
مش باقي غير سهران يا ليل وإنتي في ضلي
أنا بشكي حالي معرفش مالي واللي واصلي
إنك مشيتي وخلاص نسيتي وأنا وحدي باقي
شوفي من عينيا دنيا غير اللي بتدور في بالك
حطي نفسك يوم مكاني وإبقي شاوري فين أمانك
قولي إزاي لقيتي حالك من بعد ما قفلتي بابك
حطي نفسك يوم مكاني وإبقي شاوري من مكانك
بعد الكلام اللي اخره في ايه فاضلي
مش باقي غير سهران يا ليل وانتي في ضلي
أنا بشكي حالي معرفش مالي واللي فاضلي
إنك مشيتي وخلاص نسيتي وأنا وحدي باقي
بعدك لسه ماشي بحكي عنك الكلام مفرقش
سايق العناد على البعاد وليل نهار مبنمش
لسه في الكلام بقول هطول
أنا لا ناسيكي ولا مشغول
يا تلاقيلي سكة تكوني فيها يا تلاقيلي حلول
آخر أعمال أحمد كامل
يذكر أن آخر أعمال الفنان أحمد كامل أغنية “كف عفريت” من ريدبل مازيكا صالونات بالتعاون مع كولبيكس الذي طرحها منذ يومين على موقع تبادل الفيديوهات “يوتيوب”.
