الفن نيوز

المهرجانات الفنية تحدي والدورة السابعة أكثر ضغطًا.. أبرز تصريحات رئيس مهرجان أسوان الدولي لأفلام المرأة

هدير أشرف 

حل الأستاذ محمد عبد الخالق رئيس مهرجان أسوان الدولي ضيفًا لدى تلفزيون الحياة على ريد كاربت مهرجان أسوان الدولي لأفلام المرأة، وخلال اللقاء تحدث عن فعاليات المهرجان.

وترصد مجلة هافن أبرز تصريحات أستاذ محمد عبد الخالق رئيس مهرجان أسوان الدولي لأفلام المرأة في دورته السابعة.

●كل المهرجانات في مصر فيها تحدي وبالذات مهرجانات السينما وخاصة منها من يضطر لأن يكون أفلامه من جميع أنحاء العالم ودي المهرجانات الدولية، ودي في مصر هي القاهرة وأسوان والجونة.

●طبعًا أفلام نطاقها الجغرافي العالم كله وبالتالي إحنا في ظل هذه الأزمة مفيش فرصة للتوفير يعني مش هنشيل قارة من القارات وبيبقى هنا الضغوط والتحدي، هل تكمل تعمل نفس المستوى من الأفلام نفس المستوى من الإختيارات نفس العدد من الفعاليات والحقيقة احنا اضطرينا اننا نيجي على كل حاجة ممكنة لكن في عز الكورونا دورتنا طلعت حتى بعد ما رجعت كان فيه حظر في وقته واضطرينا نعمل دورة في أسوان وكانت دورة ناجحة جدًا، إحنا مش هنخلي حاجة توقفنا.

●الأفلام لها آلية للاختيار يعني احنا بنختار الأفلام وفق هذه الآلية دلوقتي، والآلية هى مكتب فني والمكتب الفني ده مكون من عدد من المبرمجات وحتى المكتب الفني في هذه الدورة ترأسه المخرجة ماجي مرجان وهى تمتلك موهبة كبيرة كمخرجة وبالتالي ده يمنحها ذوق خاص في اختيار أفلامها وثانيًا هى عندها خبرة جيدة كمبرمجة في عدد المرات من مهرجان القاهرة.

●موقع المهرجان بيتفتح للتسجيل من شهر سبتمبر ويُغلق في نهاية شهر نوفمبر واحيانًا يمتد أسبوعين بتجلنا الأفلام عليه من مصر والمنطقة العربية والعالم والحمد لله بقى النهاردة عندنا أرقام بتدينا راحة من الأفلام المتقدمة على الموقع لأنها لها دلالة أن المهرجان واصل لبلاد بعضنا ميعرفش أسمائها، يعني بلاد صغيرة مش كبيرة وبنقعد نركز نقرأ الاسم بالإضافة طبعا للبلاد المهمة، يعني الموقع بيبقى ليه اهمية للعد والتنوع الافلام اللي جت عليه.

●إحنا عندنا طول الوقت سعي أننا نأخذ أفلام من الأفلام اللي حظيت بعرض دولي في مهرجانات مهمة، وكذلك عندنا مشكلة أساسية في كل مهرجان في مصر وهو الفيلم المصري والفيلم المصري مشكلة انه وقته طويل مع أزمة الصناعة وقلة الأفلام والمهرجانات كمان مش بتاخد أي فيلم لانها بتاخذ افلام منتقاه.

●مهرجان أفلام المرأة هو مهرجان حيز اختيار ضيق مع فيلم منتقى يصلح للعرض في مهرجان سينمائي.

●إحنا بنشارك بخمس أفلام مصرية منها فيلمين في مسابقة الفيلم الطويل عرض أول الحمد لله، يعني احنا بنتجاوز الأزمة الإقتصادية بإنفتاح أفلامي..والفيلمين هما رحلة ميمي المملة وlittle big women.

●دايمًا أوروبا بتحظى بنصيب الأسد لأن هى قارة السينما وبيتركز أكثر في منطقة وسط أوروبا فرنسا، إنجلترا، وإسبانيا يعني فيها التنوع الأكبر من الأفلام.

●مهرجان أسوان من ساعة ما بدأ وهو عنده محور أساسي جدًا وهو التدريب والورش والورش دي بدأناها على اعتبار ان بناتنا وأولادنا في أسوان لم يحظوا بفرص في السينما يعني في تاريخ أسوان هنلاقي عدد السينمائيين اللي خرجوا منها محدودين للغاية وهى محافظة فنانة بطبعها وكلها ذوق.

●الورش بتاعتنا بدأت في الدورة الأولى واللي أنا قولته في الدورة الثانية والثالثة مش هقدر أعرض أفلامهم عندي إلا لما ترقى للمستوى المناسب، من سنتين بدأت تتعرض في مهرجانات دولية، راحت قرطاج وراحت الرباط وراحت ألمانيا والنهاردة أنا في الدورة السابقة بقى عندي قسم خاص لأفلام الورش في 11 فيلم أنتجناه السنة دي منهم 7 أفلام دراما و 4 أفلام تسجيلية وهى أفلام أنا أطلب منكم تشوفوها وأطلب من كل المتفرجين يشوفوا أفلام أولادنا وبناتنا في أسوان ذوق خاص جدًا.

https://fb.watch/j5TP2kmEri/

مهرجان أسوان الدولي لأفلام المرأة 

شهد المهرجان حضور العديد من الشخصيات المهمة والعديد من النجوم على رأسهم: وزيرة الثقافة، والعديد من السفراء، نبيلة عبيد، شيري عادل، بشرى، ياسمين رئيس، دينا، نجلاء بدر، وشهد الحفل العديد من التكريمات وعلى رأسهم تكريم الفنانة نبيلة عبيد.

اطلب برنامج ويبو للمدارس والجامعات اطلب برنامج ويبو للمدارس والجامعات
error: Content is protected !!