✍🏻 هاجر زينهم
حلت النجمة شيري عادل مع زوجها طارق الإبياري ضيوف على برنامج “صاحبة السعادة” للإعلامية إسعاد يونس على شاشة قناة DMC، مساء أمس الثلاثاء، وخلال الحلقة كشفا عن أسرار علاقتهم ببعض، وعن الأعمال القادمة.
ترصد لكم “هافن” أبرز تصريحات شيري عادل وطارق الإبياري لـ “صاحبة السعادة” في السطور القادمة:
كشفت شيري عن بداية تعارفها بـ طارق قائلة: “الصدفة كانت خضة بالنسبة لي جامدة أوي لأنها كانت في نفس النص ساعة، يعني أنا نهيت المكالمة بعدها بنص ساعة حتى لي الرسالة، وطارق ممثل بقى وأكتشفت أنه بيهزر في آخر المكالمة ولما ضحك اتطمنت أن صاحبنا بخير والمكالمة كانت ساعة ونص”.
وعن كيفية ارتباطهما قالت شيري: “روحنا مع بعض المستشفى وإحنا راجعين قالي أن في مطعم حابب يفرجني عليه وبعدها بدأنا نسأل على بعض، وفي مرة كنت مع أهلي في الساحل وهو كان مسافر تاني يوم تركيا، جالي عشان يشوفني ومشي في نفس اليوم، وكنا بنتكلم ونتقابل كل يوم، ولما كان بيتصل بي كنت بتلكك وأروح بصراحة”.
وتابعت شيري قائلة: “بعد كلامنا وقربنا لبعض بدأ يبان أن في حاجة بينا واتفقنا أننا نتجوز، كنا نزلين ديت رسمي قال لي عايز أتجوزك قولت له بسرعة كده وكل ما يتصل يعرف حد يقولوا له أنتوا مستعجلين كده ليه، كنا مقررين نعمل الفرح بعد 3 شهور لأني كنت عايزة أعمله على البحر في الصيف، وهو قال لي نتجوز دلوقتي ونعمل حفلة على البحر في الصيف”.
وقال الإبياري: “بقينا فجأة في حياة بعض بدون ترتيب والله مش مثلاً أني بخترع حاجة أو روتين، فجأة بقيت الحاجات العادية من غيرها مش موجودة، حتى في الشغل لما بكون فاضي بقعد في المسرح برن عليها أقول تيجي تقعد معايا، حتى في شغلها ماليش علاقة به بكون معها برضو، وحددت ميعاد أننا نتجوز بسرعة خاطفة، وضغطت عليها الحقيقة، وإحنا خلينا العلاقة بينا محدش يعرف بها إلا القريبين أوي، لأن بحس أن العلاقات الإنسانية من الأحسن أنها تتبني في هدوء، يعني في مرحلة البناء لأزم تكون الدنيا هادية لأن إحنا نفسنا لسه نتعود على بعض “.
وقالت شيري عن طارق: “دائمًا بيشجعني وهو داعم جدًا طول الوقت واخد باله مني ومهتم بكل التفاصيل وبيساعدني في المشاهد وبيقرأ النص معي ويحفظني مشاهدي، بحس أن طارق اهتمامه أن أنا أنجح واخذ خطوة لقدام أكتر من اهتمامه بنفسه”.
وعن أعمال شيري القادمة قالت: “مش بحضر لحاجة حاليًا بس لسه مخلصة تصوير من 10 أيام، بفيلم بظهر بآخر مشهد بس عجبني لأني بدوية، وطول عمري بقول نفسي أعمل دور بدوية، ولما أتعرض عليه وافقت، وبعد رمضان في عملين بيني وبين طارق فيلم ومسلسل، وهيكون المسلسل اجتماعي، والفيلم جميل وقصته غريبة شوية وقصته حلوة ولكن هو مش كوميدي خالص مرعب شويه على تشويق على قصة نفسية بس مكتوب حلو أوي”.
وتابعت شيري عن الفيلم قائلة: “أنا وطارق في الفيلم وعمرو وهبة لسه بيقرأ الورق وأستاذ بيومي فؤاد برضو لسه بيقرأه، إحنا لسه في التحضيرات البدائية خالص، وحاسة أننا هننبسط في الشغل مع بعض”.
وقال طارق عن شيري: “بعيدًا عن أن شيري زوجتي بس هي فنانة موهوبة، وأنا دائمًا عندي تحيز للموهوبين، وعندي جملة دائمًا بقولها للطلبة أن الموهوب موهوم، اللي هو إزاي الموهبة اللي ربنا أعطاها له يستخدمها ويطلع بها أحاسيس كتير وهو ده الفن مش التمثيل بس، دائمًا هو تكثيف لحاجات عشان الناس تستوعبها وكل العين هتشوفها زي ما أنا شوفتها”.
وعن موهبة طارق الفنية قالت شيري: “شايفة أنه لسه عنده حاجات كتير جدًا جوه ومطلعهاش لسه في أدوار، ولسه في مساحات كبيرة جدًا في موهبته ييقدر يلعب بها، يمكن قبل مسلسل الاختيار كانت وجهة نظري أنه شكله حلو وبيمثل حلو والأدوار اللي ممكن يعملها، محسورة زي ما كتير من الممثلين في أدوار معينة وكلنا مرينا بها، وفكرة أننا نأخد فرصة أننا نمثل أدوار جديدة بتكون صعبة جدًا، ولكن بعد الاختيار أنا شايفة أن طارق يلعب كل الأدوار وبشكل حلو جدًا، وبعد مما شوفت المسلسل حسيت أنه موهوب موهبة يعرف يلعب جميع الأدوار”.
وعن أهم ما يميز طارق في الإنسانية قالت شيري: “طيبته وحنيته وكرمه، وبخاف على زعله”.
مسلسل حكايات جروب الدفعة:
تشارك شيري عادل في بطولة مسلسل “حكايات جروب الدفعة الذي يعرض حاليًا، مع عمرو وهبة، ولاء الشريف، بسمة داوود، أسامة الهادي، ماركو إدوارد، صفاء الطوخي، أحمد ماجد، تأليف هاني سرحان، ومن إخراج محمد عبدالسلام.
ويعرض حاليًا الموسم الثاني من مسلسل أيام على شاشة قناة MBC مصر، والتي تشارك فيه شيري عادل مع كل من رياض الخولي، حورية فرغلي، حجاج عبدالعظيم، حمدي السيد، سلوى خطاب، رشدي الشامي، محمد عادل، وغيرهم، تأليف سماح الحريري، ومن إخراج محمد أسامة.
