فن

بشرى عن نبيلة عبيد: “هي موسوعة سينمائية وإنسانية واجتماعية وعندها نظرة مستقبلية”

✍🏻 هاجر زينهم

قامت الفنانة بشرى بعمل لقاء خاص مع الإعلامية منى المراغي على شاشة قناة الحياة، على هامش فعاليات مهرجان أسوان لأفلام المرأة، وكشفت الكثير من فعاليات المهرجان وغيره.

https://www.facebook.com/watch/?v=754733602620682

أبرز تصريحات بشرى لـ قناة الحياة:

بشرى عن أسوان لأفلام المرأة: “المهرجان ده له معزة في قلبي كبيرة غير كل المهرجانات حتى اللي أنا أسستها واللي أشتغلت فيها”.

قالت بشرى عن مهرجان أسوان لأفلام المرأة: “أنا بحب مهرجان أسوان جدًا الدولي لسينما المرأة لتخصصه وهو معني بالمرأة وقضايا المرأة وكل الفعاليات بتاعته فيها حاجات تخص المرأة بشكل مباشر جدًا وأشكال غير مباشرة كمان واختيار مدينة أسوان مدينة جميلة جدًا وناسها طيبين والمناظر طبيعة خلابة وفي امتداد لحضارة وتاريخ كبير وشريان الحياة، إحنا سئمنا من الإستديوهات بصراحة والأماكن المقفولة ودي حاجة بتساعد على الإبداع وبتفتح الفكر إن إحنا نلتصق ونلتحم بالطبيعة واكيد المهرجان ده له معزة في قلبي كبيرة غير كل المهرجانات حتى اللي أنا أسستها واللي أشتغلت فيها”.

بشرى: “عجبتني فكرة الاهتمام بالفن التشكيلي وتشكيليات المرأة من الوطن العربي كله”

وعن متابعتها لفعاليات المهرجان قالت بشرى: “تابعت بعض الأفلام وفي أكتر من فيلم مصري ودي حاجة كويسة بالنسبة لي، وعجبتني فكرة الاهتمام بالفن التشكيلي وتشكيليات المرأة من الوطن العربي كله، في ضيوف من قطر ومن الكويت، العراق من الوطن العربي موجودين وكانوا قاعدين بيرسموا هنا برضو أمام المناظر الجميلة دي وبيعملوا لوحتهم”.

بشرى عن تواجد الاتحاد الأوروبي في مهرجان أسوان: “حاجة مهمة جدًا وأنا في رأيه بيعطيه أهمية دولية بشكل كبير”

وتابعت بشرى قائلة: “وفي ندوة مخصوص عن حالة الالتحام وعلاقة بالفن التشكيلي بالوطن العربي كله ده جزء طبعًا والورش مهمة جدًا، وتواجد الاتحاد الأوروبي ده حاجة مهمة جدًا وأنا في رأيه بيعطيه أهمية دولية بشكل مهم جدًا، لسه لحد دلوقتي متابعتش حاجة تبع الاتحاد الأوروبي “.

بشرى: “نبيلة حدوتة كبيرة”

وعن تكريم الفنانة نبيلة عبيد قالت بشرى: “دي على رأسي من فوق أنا قولت جزء بسيط من اللي أقدر أقوله على المسرح عشان وقت المسرح ومعالي الوزيرة وسيادة المحافظ كانوا واقفين مكنتش عايزة أطيل عليهم، الكلام في نبيلة عبيد مش بيخلص بطيبتها وحنيتها، وفي أنها واحدة ست واثقة من نفسها وبتحب تقدم ست أخرى وإزاي تحتضن المواهب الشابة وإزاي قدمت نجوم من النساء وفتيات في أعمالها المختلفة والمواضيع اللي بتعملها في أفلامها بتختار الموضوع والمثقفين اللي أشتغلت معهم والعرف بتاع المهنة ومقياس المهنة الراقية بتاعت زمان نبيلة حدوتة كبيرة” .

بشرى: “من أحب الأفلام لقلبي فيلم الراقصة والسياسي وهي موسوعة سينمائية وإنسانية”

واستكملت حديثها عن نبيلة: “ومن أحب الأفلام لقلبي فيلم الراقصة والسياسي مفيش شك يعني أداء عظيم بجد وأستاذ صلاح قابيل وفريق العمل كله كأداء يعني وكموضوع طبعًا، عندها دور توت توت كان صعب جدًا يعني إحنا دولة في ظل اهتمامها بالقدرات الخاصة والاحتياجات الخاصة شوفي من أمتى نبيلة عاملة الفيلم عن شخصية بهذه الحالة قد كده سابقة عصرها وست عندها نظرة مستقبلية فيها أنوثة وخفة ظل فيها شخصية وذكاء تسويقي اجتماعي يعني حقيقي هي موسوعة سينمائية وإنسانية أنا بشوفها واجتماعية كمان لأنها بتجامل كل الناس ومش بتتأخر عن حد في أي شيء”.

بشرى: “محتاجين أكتر نفعل دور المرأة على الأرض ويبان أكتر في كتابات للمرأة”

“المرأة أخذت حقوق كتيرة جدًا لها على مر التاريخ وخصوصًا في مصر من أول كل الحركات النسائية هدى الشعراوي وغيرها من السيدات، وفي السينما المصرية تأسست على إيد 6 من أهم السيدات سوء عزيزة أمير ولا بهيجة ولا أسيا ماركويني مرورًا بمديحة يسري والعديد من منتجات السينما لحد ما وصلنا للأستاذة إسعاد يونس وغيرها والعبد لله الفقير يعني، أعتقد أننا محتاجين أكتر نفعل الدور ده على الأرض ومحتاجين يبان أكتر في كتابات للمرأة”.

وقالت بشرى: “ولما نقول كتابات للمرأة منقولش المرأة حتى سن الـ 25 أو 30، لا في مرأة في منتصف العمر وفي مرأة كاهلة وكلها نماذج للسيدات في مصر محتاجين نحكي حواديت ملهمة وإيجابية، مش بس نقف عن المرأة الحلوة الشابة الحلوة الكتكوتة وننسى منتصف العمر والكاهلة، الفكرة مين بقى اللي هيرفع هذا اللواء ويأخذ على عاتقه أن يمشي في هذا الاتجاه”.

بشرى-111.jpg" alt="" class="wp-image-133289"/>

وعن دور الأمومة رغم انشغالها قالت بشرى: ” بمارس دور الأمومة في الوقت اللي بكون متواجدة فيه بكثافة قدر المستطاع وبفترات الإجازات ومتابعتهم عن بعض وعن طريق أمي وأختي والمربية وعن طريق والد الأولاد كلنا بنشترك في تربية الأولاد، المجتمع كله بيشترك في تربية الأولاد مش بس الأم ده كان زمان مادام الأم قبلت والمجتمع ونزلت تشتغل يبقى لازم الكل يشارك معها في تربية الأولاد هي مابقتش مسئوليتها لوحدها والمدرسة أيضًا، وأنا سعيدة أن عندي المجموعة اللي تساعدني والدعم الحمدلله”.

اطلب برنامج ويبو للمدارس والجامعات اطلب برنامج ويبو للمدارس والجامعات
error: Content is protected !!