✍🏻 هاجر زينهم
حضرت الفنانة نجلاء بدر مهرجان أسوان لأفلام المرأة، وتم اختيارها لتكون عضو لجنة التحكيم في الأفلام الطويلة، وخلال لقائها مع الإعلامية منى المراغي بقناة الحياة، كشفت عن بعض القضايا التي ناقشتها الأفلام بالمسابقة، وعن دورها في مسلسل “سره الباتع” المقرر عرضه في لسباق الرمضاني 2023.
https://www.facebook.com/watch/?v=985679899064773
وإليكم أبرز تصريحات نجلاء بدر لـ الحياة:
نجلاء بدر عن دينة أسوان: “أنا مبسوطة جدًا بالجولات اللي أخذتها في أسوان وفسي أخذ إجازة فيها”
وعن جمال مدينة أسوان قالت نجلاء بدر: “لسه بفكر دلوقتي وبقول هو أنا أمتى هاجي لوحدي كام يوم أتفسح في أسوان، دائمًا بيكون ي شغل لكن نفسي أجي أخذ إجازة في أسوان، بس بستمتع بها لأن المهرجان بيعمل بروجرم حلو أوي، للمزارات وتتغدي في أماكن وبنقابل الزملاء والحضور وفي فعاليات على هامش المهرجان بتأخذك في الأماكن السياحية، ودي حاجة مهمة طبعا في المهرجانات للترويج للسياحة المصرية في المهرجانات فـ بالعكس أنا مبسوطة جدًا بالجولات اللي أخذتها في أسوان”.
وتابعت نجلاء قائلة: “دي مش أول مرة أنا روحت كذا مرة ومع ذلك بحس أني بشوفها لأول مرة وعايزة أروحها تاني، غير كده بجد أسوان الطاقة بتاعتها مريحة وطاقة إيجابية مرعبة، بتبقي قاعدة في هدوء وراحة نفسية والشعب هنا حلو حلاوة كرم وبشوش والضحكة والغناء أنا ماشوفتش كده بجد ما شاء الله ربنا يديمها دائمًا عليكي يا مصر”.
نجلاء بدر عن تجربة التحكيم بالمهرجان: “سعيدة جدًا بترشيحي وأني أخذت الثقة دي”.
وعن تجربتها الجديدة في التحكيم للأفلام الروائية الطويلة قالت نجلاء: “أنا قبل كده كنت دخلت كـ عضو لجنة تحكيم في الأفلام الروائية القصيرة وبرضو كنت سعيدة جدًا بترشيحي لأن دي مرحلة بنسميها ترقية وأنا بجد مبسوطة أني أخذت الثقة دي أن هم فبي يوم من الأيام يرشحوني أن أكون عضو لجنة تحكيم”.
نجلاء بدر عن أهم قضايا الأفلام: “في قضية مستني أوي وهي قضية ختان البنات”
وعن أهم القضايا التي تم مناقشتها في الأفلام، قالت نجلاء: “أنا أتفرجت على 3 أفلام لحد دلوقتي، وهو اللي معروض في المسابقة الرسمية الأفلام المصرية فقط 5 أفلام، والثلاثة بجد حلوين بس في قضية مستني أوي وهي قضية ختان البنات ومازالت لحد دلوقتي بشوف أن القضية دي أن مش معقولة أن بعد العمر ده لسه بنتناقش فيها ونفس القضية، فـ محتاجين صرخة كبيرة أوي في الموضوع ده عشان كده مبسوطة بتناول الفيلم ده لقضيته”.
وتابعت نجلاء قائلة: “ولكن في برضو فيلمين تانيين عن طموح الشباب بالفن والفيلم ده عجبني جدًا ووراكي قد إيه أن كل إنسان جواه طاقة مهمة جدًا لهدف هو عايز يوصل له إزاي، وفيم ثالث أتفرجت عليه أنا بالنسبة لي تجربة مرعبة فيلم ساعتين بفرد واحد في مكان واحد بس بصراحة أنا ماملتش وكنت عايزة أعرف هيحصل إيه في الآخر، وقد إيه القضية دي ممكن تؤدي للإكتئاب والانتحار هى فكرة خاطئة وتؤدي إلى إيه وعجبتني الفكرة أوي والتمثيل كان حلو أوى والإخراج الموضوع بجد صعب لأنها حالات حقيقية وطلع أن القصة حقيقية”.
نجلاء بدر عن سره الباتع: “من أمتع الأعمال اللي أنا دخلتها بجد في حياتي وبعتبرها إضافة لي”
وعن دورها في مسلسل سره الباتع، قالت نجلاء: “من أمتع الأعمال اللي أنا دخلتها بجد في حياتي وأنا بعتبرها إضافة لي، هي عملي في الملحمة الفنية التاريخية سره الباتع أولًا بوجود قصة يوسف إدريس دي في حد ذاتها لأن أنا كنت بتمنى أننا نرجع تاني إلى فن القصة والرواية وكمان لكُتاب عظماء مصريين فـ بالنسبة لي أنا دخلت التاريخ، ثانيًا وجود الأستاذ خالد يوسف هو خبرة وباع كبير جدًا في السينما فـ تخيلي أن مخرج سينمائي قرر أن يعمل قرر أنه يعمل عمل درامي فـ كيفية رؤيته لكل مشهد مختلفة تمامًا عن المدرسة الدرامية المعتادة”.
واستكملت حديثها عن المسلسل قائلة: “ثالثًا هي المتحدة لأن العمل ده كان محتاج شركة ذات خبرة إنتاجية وعلى دراية تامة بإمكانيات المخرج وطلباته لأن طلباته كانت مهمة جدًا وفعلًا وفروا كل الأمكانيات، رابعًا الوفد الكبير من الفنانيين كبار الفنانيين اللي أنا مازالت بتعلم منهم وأنهم رجعوا بقوة ومساحات يستحقوها فـ دي حاجة أنا ارتحت لمستقبل الفنانيين، وأنا واحدة منهم هنوصل للمرحلة دي، ومش عايزة أبص ألاقي أن الفنانيين ذات خبرة مش لاقيين مساحة في الدراما، وكل العناصر بالنسبة لي بما فيهم أستاذ سامح سليم مدير التصوير والكرو كله والأستايلست مونيا كلهم خبرات”.
وأنهت حديثها قائلة: “مبسوطة بدوري مع أني مكنتش متخيلة أني هعمله لأنه مش أنا ولا طريقتي ولا فكري ولا أي حاجة فيا خالص، بقوم بدور ست مش متعلمة بتعمل حاجات بتؤثر بالسلب لأنها فهمها مش واصل للي بيحصل خالص ومش فاهمة اللي هي بتعمله ده صح ولا غلط، وكل المسلسل على فكرة يستحق المشاهدة والتقدير لأن فعلًا العمل تقيل وفيه إبداع وتركيبة كاملة تكاملت كل العناصر اللي فيه”.