✍🏻 هاجر زينهم
كشفت الفنانة يسرا عن تفاصيل مسلسلها الرمضاني المقبل “1000 حمدالله على السلامة”، من خلال مداخلة هاتفية لبرنامج الستات مابيعرفوش يكدبوا، والمذاع على شاشة قناة CBC.
أبرز تصريحات يسرا لبرنامج الستات مابيعرفوش يكدبوا:
في الكواليس رُحت أماكن كتير ومحافظات مصر اختلفت بشكل غير عادي كل حاجة في مصر بتطور للأحلى والأحسن.
إحنا صورنا في دمياط وكانت أول مرة أروح هناك وكانت حاجة جميلة وبديعة وروحت الفيوم صورنا فير وادي الحيتان، وروحنا بورسعيد ونجع حماد.
بجد محافظات مصر اختلفت بشكل غير عادي عمري ما كنت روحت دمياط ولم أتخيل جمالها بهذا الشكل وكذلك الفيوم أنا ماروحتش الفيوم من 2008 ولما روحتها المرة دي مش استغربتها وقلوت يا نهار أبيض إزاي ده حصل إيه التغيير ده وكنت مش مصدقة.
وأنا قعدت في الفيوم أيام الراعي والنساء لمدة 3 أشهر بجد حاجة بديعة أتغيرت تمامًا وبورسعيد كذلك كل حاجة في مصر بتطور للأحلى والأجمل والأفضل.
أنا معتمدة على بيومي فؤاد ومحمد ثروت وشيماء سيف في الكوميديا وأنهم يحطوني في مواقف اللي أقدر أعمل عليها ريأكشن كوميدي، ولكن هما وجودهم الحقيقة إضافة كبيرة لينا جدًا.
بعمل دور ست عندها ولد وبنت آدم الشرقاوي ومايان السيد ونازلة تأخذ الورث بتاعها من مصر وبيومي فؤاد هو المحامي بتاعها وصديق العمر وبتنزل تلتقي بـ شيماء سيف ومحمد ثروت وهما أخو بيومي فؤاد وزوجته ومن هنا بقى بتبدأ رحلة سميحة وسماح وسامح.
واللوك في الحقيقة بتاع الوش والنظارة كانت إسراء العدل وسيف هما اللي عملوه وبقيت اللوك بتاع اللبس لـ ياسمين علي.
وعندنا باقة كبيرة جدًا مخرج بحبه أوي وأشتغلت معه مرة زمان قبل كده في SNL لـ الأستاذ عمرو صلاح ومعايا الكاتب أستاذ محمد ذو الفقار وأنا أول مرة أكون معه في عمل الحقيقة ومعايا الأستاذ سامح المصور تحسي كده أن الصور مبهجة ومعانا ضيوف شرف كتير.
والله أنا نفسي أشوف كل الناس لو أقدر لكن هتفرج على نيللي أكيد لأان نيللي هي اللي أختارت لي اسم المسلسل.
وبشكر المتحدة جدًا جدًا على كل حاجة وعلى تعاونها مع العدل جروب لأن ده عمل فرق كبير جدًا لكل شيء.
وعايزة أشوف الكبير لأن أنا بحبه حب غير عادي أتفرجت على الغنوة بتاعته اللي هو أخرجها عامل شغل عالي محصلش ومفيش كادر متعاد.
وعايزة أتفرج على الإمام الشافعي وسره الباتع وعايزة أشوف حاجات كتيرة.
بصور في رمضان وبنفطر مع بعض وده اللي هيحصل إن شاء الله لأن لسه في عندنا شوية تصوير في رمضان لكن في الأيام العادية أنا بقضي رمضان بـ البيت في أغلب الوقت ببقى في وسط العيلة ووالدتي الله يرحمها لما كانت عايشة كانت بتلم العيلة أنا دلوقتي بحاول أعمل زيها بس لما يكونوا فاضيين هيجوا لي لكن أول يوم رمضان لازم كل الناس يكونوا مع بعض كل العيلة.
حابة أقول بمناسبة اليوم العالمي للمرأة، خليكي قوية ماتضعفيش وأنتي ست مولودة قوية وربنا خلقنا أقوياء آن بنمر بفترات صعبة جدًا في حياتنا وبنمر بلحظات ضعف كتيرة ولكن مع وجود قوانين بتساعد الست وأنها تكون موجودة في مجالات مختلفة.
لازم أي ست تعرف قيمتها كـ أم وكـ أخت وكـ ربة أسرة مهمة جدًا وبشكر القيادة بتاعتنا لأنها متهمة بالمرأة بتحب المرأة ولها دخل بكرامة المرأة وده في حد ذاته بيغير قوانين لصالح المرأة، أنا بتمنى أن المرأة لا تشعر بالضعف ولا الهوان زي ما كنت بتشعر زمان.
الست اللي عندها مخ بتحب الأفعال والست الي محتاجة أن أذنها تتغذى بالكلمات بعد شوية بدون أفعال بتبقى البنت بدون قيمة الرجل مش بس كلمات ولكن الرجل فعل.
