✍️ ندى عبدالحميد
انطلقت اليوم ثالت حلقات مسلسل الهرشة السابعه والذي حاز على إعجاب المشاهدين وأصبح لديهم تشوق كبير للأحداث.
تفاصيل مسلسل الهرشه السابعه:
يبدأ المسلسل بسبوع التوأم وسط أجواء جميله وفرحه الكل، أدم يبدأ الشغل في شركه لكنه مابيبقاش مرتاح بسبب معامله مديره وأنه بيضغط عليه في الشغل لكنه مابيبقاش عايز يسيب الشغل علشان المصاريف بعد ولاده التوأم.
نادين تعاني من اكتئاب ما بعد الولاده وبتشتكي لأدم انها مابقتش عارفه تعمل اى حاجه وتبدأ تعيط وأدم يواسيها ويقولها أنه مش هيسيبها تاني وينزل وهيساعدها في الي هي عايزاه.
سلمى وشريف يتجوزوا لكن من غير فرح وبعد ما يحسوا أنهم مبسوطين مع بعض بيعملوا فرح ولكن سلمى بتتوتر لما بتشوف مامتها لكن شريف يحاول يشتت انتباهها وياخدها يرقصوا.
أدم بيحصله موقف محرج في السوبر ماركت بعد ما الفيزا بتاعته طلع مافيهاش فلوس وبيجي يحاسب كاش لكنه ما بيلاقيش معاه فلوس تكفي ويضطر يقلل الحاجات الي جايبها فبيحس بالإحراج.
أدم ونادين بيروحوا يلعبوا راكيت وأدم بيحاول يعلم نادين وبعدها بيقولها أنه بيفكر ياخد قرض من البنك بضمان البيت ويفتح صاله راكيت لكنها ترفض وتقوله أنه احسن يدور على شغل في شركه كبيره بمرتب ثابت.
والده نادين بتروح تقعد عندها كام يوم لكن أدم بيضايق من وجودها وحاسس أنه متقيد وبيتخانق مع نادين فبتسمعهم مامتها وبتقرر تمشي، وتتخانق نادين مع أدم وبيسبلها البيت ويمشي.
أدم بيصالح حماته في فرح سلمى وبعدها بيصالح نادين.
أبطال مسلسل الهرشة السابعة:
يشارك في بطوله المسلسل كلا من: “أمينة خليل، محمد شاهين، أسماء جلال، علي قاسم، عايدة رياض، محمد محمود، حنان سليمان، وعدد من ضيوف الشرف”.
