فن

حسن شاكوش ينفعل ويترك الاستديو بسبب شيخ العرافين

كتبت: أحلام محمود سيد

حل مطرب المهرجانات حسن شاكوش برفقة زوجته، ضيفًا في برنامج العرافة، مع الإعلامية بسمة وهبة.

و قد انفعل مطرب المهرجانات وكاد أن يترك الأستديو، في فقرة شيخ العرافين.

حيث قام شيخ العرافين بإخبار زوجة حسن شاكوش عن زواجه الثاني، و عن امتلاكه منزل آخر.

فسأل شيخ العرافين عروس حسن شاكوش عن السلسلة التي يرتديها شاكوش، لترد إنها لا تعرف عنها شئ.

و قد ظهرت علامات التوتر على وجه حسن شاكوش، وقال لبسمة وهبة: ” شوفيه يا دكتورة، لو هيكلم في أي حاجه أنا ممكن أقوم وأسيب الحلقة”.

ليقاطعه شيخ العرافيين، قائلًا: ” طيب عارفة أنه عنده فيلا في التجمع؟ قالك على الجوازة؟”.

فأبدت زوجة حسن شاكوش حيرتها وقلقها و بدأت بتوجيه التساؤلات لحسن شاكوش.

فانزعج شاكوش و قام قائلًا: ” أنا قلت لك مش عايز أطلع برامج، وأنا كنت مانع برامج فأنا قلت لك هطلع معاكي، فأنا ممكن أمشي”.

وقال شيخ العرافين لريم زوجة حسن شاكوش: ” حسن متجوز “، فقالت ريم: ” هو بيوريني كل حاجة بتوصله”.

ونفى حسن شاكوش كلام شيخ العارفين ليشير إلى أنه كان سيتزوج ولكن لم تكتمل تلك الزيجة.

https://fb.watch/jxJLScPyKd/?mibextid=qC1gEa

و في سياق متصل كان قد أنكر حسن شاكوش معرفته المطربة شذى، حين سألته الإعلامية بسمة وهبة عن رده على الانتقادات التي وجهتها له شذى، و قد ردت شذى ردًا ناريًا على تصريحه الخاص بها، وقد شاركت متابعيها عبر حسابها الشخصي بموقع التواصل الاجتماعي فيسبوك، منشورًا كتبت فيه: ” طب أنت مستفز يا شكشك بدل كلمة مستفز بتعصبك و دكتورة بسمه وهبة عشان هي ست شيك”.

قالت لك شذى فنانة زميلة عشان تجبر بخاطرك بس الحقيقة أنت لا فنان ولا زميل بالنسبة لي خالص
أنت مؤدي وبالنسبة لي صوتك مزعج إنما فنان زميل دي أنا أعترض عليها بشدة ودي الحقيقة بس عشان
، دكتورة بسمة مؤدبة وأنت ضيفها مقلتلكش الحقيقة “.

و تابعت شذى: “وأصلًا مينفعش تسأل مين دي مش عشان لازم تكون عارفني بيني وبينك أريح لو متعرفنيش، وتعمل الشويتين بتوع أه عارف اسمها ومش عارف أغانيها ومال شكلها أتغير كده ليه، و جو ٣ ورقات ده، لأن الرد موجود لو أنا محدش فاكرني ولا عرفني مش هيجيبوا كلامي و يعرضهولك يا جاهل”.

وأضافت شذى: “وأصلًا أسماء الأغاني اللي أنت قولتها دي تتكتب على تكاتك متعملش فيها بيتهوفن والنبي ومش معنى أن في هيصة الفترة دي على اللون ده أن أنت واللي زيك صناع المزيكا في مصر أبدًا والله أنتوا فاضحينا في العالم كله برداءة المزيكا اللي بتقدموها”

و اختتمت: “وعمومًا وعمليًا ردك مالوش دعوة خالص بالسؤال ولا فهمت منك حاجة ومش عيب أنك تحضر قبل الحلقة عفوي وعلى طبيعتك دي لما تكون قاعد على “مصطبة” أو واثق في ردودك الذكية المنطقية اللي هي مش موجودة أصلًا فـ أبقى حضر بعد إذنك عشان بتدوخ المذيعين معاك، ملحوظة الجاكت اللي كنت لابسه حريمي يا فنان “.

اطلب برنامج ويبو للمدارس والجامعات اطلب برنامج ويبو للمدارس والجامعات
error: Content is protected !!