✍️ أحلام محمود سيد
حلت الفنانة لوسي في ضيافة الإعلامية بسمة وهبة في برنامج العرافة، المذاع عبر قناة المحور.
و قد أثارت تصريحات الفنانة لوسي جدلًا بين رواد مواقع التواصل الإجتماعي، فتصدرت حلقة لوسي تريند محركات بحث جوجل ومواقع التواصل الاجتماعي.
من أبرز تصريحات لوسي في حلقة العرافة:
أكدت لوسي إنها لا تخشى إذا توفت وهي ترتدي بدلة الرقص لإنها ترى إنها مهنة كأي مهنة وقالت “أنا جسمي مش ببلاش عشان أطلع في دور بملابس خارجة ومكشوفة أو مايوه، أنا بلبس بدلة رقص عشان أرقص وأنا لا أخجل بشغلي”.
وأضافت لوسي أن الرقص فن راقي ومرسوم على جدران الفراعنة، ويتابعه جميع الناس والدولة موافقة عليه، حيث قالت: “بعمل حاجة الدنيا كلها شايفاها، بعمل حاجة في العلانية، زي ما الدكتور بيلبس البالطو بتاعه وعامل النظافة بيلبس لبسه، إحنا بنشتغل مهنة في النور، أنا مش بقدم بجاحة، ولكن فن ورقص، بلدي معترفة به، والرقص مرسوم على جدران قدمائنا المصريين، نصيبي كده ومكتوب على جبيني إني هبقى رقاصة وأشتغل في الأفراح الشعبية لحد ما أكبر شوية وأبقى كومبارس وممثلة ونجمة وبطلة ومشهورة”.
وأضافت لوسي: “مش ندمانة على عملي فى الفن ورقصت وأنا عندي 11 سنة عشان كان عندي ظروف ولازم أجيب فلوس عشان أسرتي تأكل وكنت سعيدة بعملي وأنا بحب الفن والرقص والتمثيل”.
وتحدثت لوسي عن الفنانة العالمية شاكيرا، وأشارت إلى أنها تعلمت منها الرقص الشرقي، فقالت: ” كان الطبال بتاع شاكيرا بيجي يأخذ مني التحزيمة اللي فيها شخاليل والحركات وتقسيمة الرقص وبيروح يقولها عليهم”.
