تقاريرفن

“قلت ده موضوع ميخصنيش”.. نيللي كريم تتحدث عن مشاركة هشام عاشور في عُملة نادرة

استضافت الإعلامية لميس الحديدي النجمة نيللي كريم وفريق عمل مسلسل عُملة نادرة خلال حلقة أمس السبت من برنامج كلمة أخيرة، والمذاع عبر قناة On.

وسألت لميس الحديدي نيللي كريم عن رد فعلها عندما قالوا لها أنهم يرشحون زوجها الفنان هشام عاشور في هذا الدور، لتجيب ضاحكةً: “قلت ده موضوع ميخصنيش”.

نيللي كريم: “بمثل بقالي كتير أوي عمري في حياتي ما ادخلت في مين يعمل إيه”

وأضافت: “أنا بمثل بقالي كتير أوي عمري في حياتي ما ادخلت في مين يعمل إيه مين ميعملش إيه، والتي زودلي مشهدين نقصلي، مقدرش أشتغل بالطريقة دي؛ لأن أنا لو هشتغل مش هشتغل مع ناس أولًا ترضى إنها تشتغل بالطريقة دي”.

وأردفت نيللي: “فأنا أروح الإستوديو عارفة إن ماندو أنا في إيد أمينة، فأنا خلاص مبسألش أنا ليا دوري وليا حاجتي أجتهد بقى في الشخصية اللي أنا بعملها، لكن ممكن أكلم مثلًا دكتور مدحت أقوله أنت شايف مش المشهد بتاعي، أنا بتكلم على السياق الدرامي، أحب نتناقش أبقى مقتنعة”.

نيللي كريم: “أنا وهشام عندنا مشهد واحد أنا اللي كنت فيه متوترة جدًا”

وتابعت: “أنا وهشام عندنا مشهد واحد أنا اللي كنت فيه متوترة جدًا مش متعودة، أنا قلقت أو مش عاوزة أوتره”، وعما إذا كانت أول مرة تمثل فيها أمامه، أوضحت نيللي: “لأ في المسلسل، فأنا اتوترت بصراحة هو كان هادي جدًا”.

وعن رأيها في أداء هشام كممثلة محترفة، قالت نيللي: “أنا مالي أنا متسألينيش، أنا شايفة إنه هو عمل شخصيته كويس جدًا، وهي زي ما دكتور مدحت قال شخصية صعبة؛ لأن هي فيها الشخص المتعلم اللي هو بعد كده بتحول مع باباه”.

نيللي كريم: “قلت لـ هشام عاشور ملكش دعوة أنا مش بذاكر”

وواصلت: “هشام شاطر في اللهجات عمومًا، الحاجة الغريبة هو قبلما نبتدي المسلسل الصعيدي، فابتديت أشتغل مع مصحح اللهجة أستاذ عبد النبي، عايزين نوجهله تحية خاصة، فهو كان بيبقى موجود في البروفات، فبيقولي نيللي هو أنتي فعلًا هتقدرى تتكلمي صعيدي، طب كلمي ماندو طب ذاكري، قلتله ملكش دعوة بيا أنا مش بذاكر، الفكرة بس لازم أدخل في المود، ليا طقوس معينة عبثية، بس أنا بمشي وراها، فقالي أنتي متأكدة هتعرفي تتكلمي، اصبر بس عليا اصبر”.

نيللي كريم: “بقى بيتكلم مع أي حد في الشارع صعيدي ولحد دلوقتي”

وأتمت: “هو علطول هو مديها كوميديا صعيدي طول الوقت، هو دمه خفيف فبقى بيتكلم مع أي حد يمشي في الشارع يتكلم معاه صعيدي ولحد دلوقتي”.

أبطال عُملة نادرة

يشار إلى أن عُملة نادرة من بطولة نيللي كريم، جمال سليمان، رمزي العدل، فريدة سيف النصر، أحمد عيد، جمانة مراد، كمال أبو رية، ندا موسى، هشام عاشور، مريم الخشت، محمد فهيم، ريم رؤوف، أحمد فهيم، وئام مجدي وغيرهم.

ويذكر أن المسلسل من تأليف مدحت العدل، إخراج ماندو العدل وإنتاج العدل جروب جمال العدل بالتعاون مع المتحدة للخدمات الإعلامية UMS.

اطلب برنامج ويبو للمدارس والجامعات اطلب برنامج ويبو للمدارس والجامعات
error: Content is protected !!