تقاريرفن

أحمد عيد: “كل المشاهد بين مسعود وسميرة حبيتها”

في أولى حلقات برنامج كلمة أخيرة، خلال عيد الفطر المبارك، حل فريق عمل مسلسل عُملة نادرة، وعلى رأسهم النجمة نيللي كريم والنجم جمال سليمان، بطلا العمل، ضيوفًاومع الإعلامية لميس الحديدي بحلقة الأمس من البرنامج المذاع عبر قناة On.

وخلال الحوار تحدث النجم أحمد عيد عن علاقة شخصية مسعود، التي جسدها في العمل، مع زوجته سميرة، التي لعبتها الفنانة ريم رؤوف.

أحمد عيد: “بحس إن مسعود في مشاهده مع سميرة فيه جانب عنده بينساه في الأوضة دي”

وقال أحمد عيد: “كل المشاهد اللي بين مسعود وسميرة كانت حلوة، لأنه كان فيها بحس إن مسعود في المشاهد دي فيه جانب عنده بينساه في الأوضة دي، إنه هو زوج ومسئول وإن فيه واحدة بتحبه جدًا، وهو مش طايقها أصلًا”.

أحمد عيد: “بحس إن مسعود هنا بينزل شوية عشان خاطر مراته وعشان بنته”

وأضاف: “فبحس إن حتى هنا شوية لطف، بينهم بنت، بحس إن مسعود هنا شوية بيبقى لطيف، بيتنازل شوية في شخصيته، بينزل شوية عشان خاطر مراته وعشان بنته، يعني مش الشخص، اللي وشه جامد بره الحدود دي”.

تعليق مدحت العدل

ليعلق الدكتور مدحت العدل، مؤلف العمل، قائلًا: “هو فيه مشهد أنا بحبه أوي، هي بتتكلم في اتجاه وهو بيتكلم في اتجاه، اللي هو كان خلاص عقله راح، وهي عايزة تسترجع الراجل ده، هو موجود مبقاش بيخرج، بس مش هو ده جوزها، اللي هي كانت متضايقة منه”.

وأتم مدحت العدل: “فحتة إن هي بتتكلم في اتجاه رجل ذهب عقله، وهو بيتكلم في اتجاه تاني، وهما الاتنين كأنهم بيردوا على بعض وهما مبيردوش على بعض، فكان من المشاهد الصعبة”.

أبطال عُملة نادرة

يشار إلى أن عُملة نادرة تم عرضه، خلال الماراثون الرمضاني المنقضي، وحقق نجاحًا كبيرًا وردود أفعال إيجابيةً، وتدور أحداثه في إطار اجتماعي صعيدي مشوق.

يذكر أن عُملة نادرة من بطولة نيللي كريم، جمال سليمان، فريدة سيف النصر، كمال أبو رية، أحمد عيد، جمانة مراد، ندا موسى، هشام عاشور، مريم الخشت، محمد فهيم، ريم رؤوف، وئام مجدي، أحمد فهيم، أحمد الشافعي وغيرهم.

والجدير بالذكر أن المسلسل من تأليف مدحت العدل، إخراج ماندو العدل وإنتاج العدل جروب جمال العدل بالتعاون مع المتحدة للخدمات الإعلامية UMS.

اطلب برنامج ويبو للمدارس والجامعات اطلب برنامج ويبو للمدارس والجامعات
error: Content is protected !!