*محمد رمضان قالي انت عمرك ما هتبقي ممثل*
حقق مسلسل بابا المجال نجاحاتٍ كثيرةً منذ عرضه في الماراثون الرمضاني لعام 2023، وشهد العمل تألق العديد من النجوم الشباب فيه، وكان من بينهم سليم الترك الذي اشتهر بشخصية سولي، هذا الطفل اللطيف، الذي تحول ما بين يوم وليلة إلى شاب مراهق يأكل من الحرام، فكانت هذه الشخصية بمثابة تحدٍ كبير له، وعقب نجاح العمل حرصت مجلة هاڤن على التواصل معها للكشف عن كواليس التحضير للشخصية، كما كشف سليم عن أزمته مع النجم محمد رمضان، وجاء نص الحوار على النحو التالي:
كيف جاء ترشيحك لمسلسل بابا المجال؟
- لما قرأت السيناريو عجبني جدًا شخصية زينهم ابن حي شعبي وأسره كلها فيها طمع للفلوس، وعيلة غنية وأم طماعه مش هاممها غير الفلوس.
ماذا عن شعورك حينما قرأت الدور وعلمت أنك ستجد دور ابن النجمة جومانا مراد؟
- أنا حسيت حاجة كبيرة،لأن هي فنانه كبيرة، وأي شخص لو مكاني هيقبل ده وغير كده قدام نجوم كبار.
حدثنا عن كواليس العمل مع صناع مسلسل بابا المجال؟
- كلنا كنا بنسهر وبنتعب كان الشغل مرهق وصعب، وكنا بنصور من الساعه 6 الصبح لحد تاني يوم 6 الصبح، وكلنا بنعيد مشاهد كتير وتعب أكتر.
هل واجهت صعوبات أثناء تجسيد دور زينهم في بابا المجال؟
- كان صعب شوية بس مفيش حاجة اسمها مستحيل صعب، لأن تمثيلي كله كوميديا، ولما عملت دراما كنت بشتغل 12 ساعة، علشان الشغل يطلع كويس.
ما أكثر تعليق نال إعجابك من الجمهور على شخصيتك في بابا المجال؟
- الإعجاب من الجمهور الكل حبني جدًا، ومكانش حد متوقع أعمل شخصية زينهم ابن حي الشعبي، ومكنش في تعليقات سلبية.
في الحقيقة هل تعاملت مع عائلة تشبه عائلة الديابة؟
- لا بصراحة متعاملتش مع عائلة تشبه عائلة الديابة.
كيف تحولت من شخصية سولي الطفل البريء إلى شخصية زينهم الذي يأكل من الحرام؟
- تحولت من شخصية سولي الكيوت إلى زينهم، سولي كان طفل شقي وبتاع مقالب وفجأة بقى زينهم بياكل من حرام، كان صعب شوية في الدور لأن ده حاجة جديدة عليا بس نجحت فيها، وتجسد الدور بشكل أعلى من مل حد يتخيله وتجسد شخصية زينهم، اللي بياكل من الحرام.
هل تأذيت من مشهد الضرب الذي جمعك مع الفنان رياض الخولي؟
- مشهد الضرب على يد الفنان رياض الخولي كان مشهد كويس، ومش تأذيت أوي كرباج اتعلم على إيدي، لأن كان فيه خبطه جات غلط.
ما هي الرسالة التي تحب أن توجه إلى صناع مسلسل بابا المجال؟
- رسالة اللي أحب أوجه إلى صناع المسلسل بابا المجال أحب أقول إنهم من أهم الممثلين وأنا بحبهم جدًا، وكل ممثل جسد شخصيتة بشكل عالي جدًا وتعبوا كتير أوي، وبنسهر بأيام، وبحبهم جدًا ممثلين محترمين جدا ربنا يحبب فيهم الناس وبالتوفيق للجميع.
ماذا عن أزمتك مع النجم محمد رمضان؟
- أزمتي مع محمد رمضان كنت بمثل معاه في مسلسل حبيشة كنت طفل وكان في مشهد بيقولي اسمك ايه قلتله مروان راح قالي قروان قلت لأ مروان كان نبرت صوتي عالي كنت طفل ومش دارك لما خلصنا المشهد قالي صوتك ميعلاش عليا انت عمرك ما هتكون ممثل ولا هتنجح ف حياتك ومن اللحظه دي انا حبيت أكون أفضل ممثل في سني والحمد الله خت جوائز كتير.
حدثنا عن دورك في فيلم هارلي؟
- دوري ف فيلم هارلي كان دوري مش كان عجبني طلبني اطلع أشرب مخدرات وكلام من ده فانا رفضت فهو قص من المشاهد بتعتي كتير ويعتبر أنا مظهرتش، راح جاب أحمد داش مكاني أنا مزعلتش لأن ده رزق وانا مبزعلش من رزق ربنا اللي بيبعته ونفس الوقت كنت بعمل فيلم اسمه رمسيس باريس.
ما هي الرسالة التي تحب أن توجه إلى محمد رمضان من خلال مجلة هاڤن؟
- أحب أوجه رسالة للفنان محمد رمضان ربنا يرزقك بكل خير بس متتكبرش على الناس علشان ربنا يحبك، وسولي اللي كان طفل وقلت له مش هتبقي ممثل، ولا هتنجح أنا نجحت ولسه هنجح وعملت حاجات كتير أفلام ومسلسلات وبكتب سيناريوهات وبعمل 3 مسلسلات و3 أفلام من تأليفي.
أخيرًا.. ما هي الأعمال التي تحضر له في الوقت الحالي؟
- الأعمال دلوقتي اللي بحضرها مفاجأة، و مبحبش أحرق الأحداث ولا أسبق الأحداث، ولكن في تعاون مع النجم أمير كرارة.
