تصريحاتفن

خاص لـ هاڨن.. أحمد شاهين يكشف عن دوره في اللعبة 4 قبل عرضه

كشف الممثل الشاب أحمد شاهين عن دوره في مسلسل اللعبة 4، المقرر عرضه في يوم 14 من شهر مايو الجاري، عبر منصة شاهد الإلكترونية، وذلك في حوار حصري مع مجلة هاڤن.

وصرح أحمد شاهين عن شخصيته الكوميدية، والتي يقدمها في مسلسل اللعبة 4 “دوري الأبطال”، قائلًا: “الشخصية اللي أنا بلعبها اسمها ماو، وطالع في المسلسل جار شيكو وبسببله بعض الأزمات، لأن أنا جاره في الفيلا فدايمًا بعمل حفلات، شخصيتي القريبة أكتر من الدي چي، لأن أنا بعمل بارتيهات عندي في الفيلا، وبعزم صحابي كده دايمًا وبحب مهنة الدي جي جدًا، ولما بعمل حفلات أنا اللي بقف علي الدي جي”.

أحكام اللعبة 4 تضع شيكو في مأزق

وتابع أحمد شاهين حديثه عن أحكام مسلسل اللعبة 4، قائلًا: “اللعبة هنا بتحكم عليه إن ميبقاش فيه صوت ولا دوشة جنبه، فبيجي أول موقف بيجمعني بيه إن بيتم مشاجرة بيني وبينه بس بطريقة كوميدية، وبيستغرب وبيعترض علي الأجواء اللي عاملينها، وبيمنعني إن يبقي فيه صوت أصلًا بحيث يقدر يعدي ليفل في اللعبة”.

وأردف أحمد شاهين، قائلًا: “بعد كده اللعبة بتحكم عليه إنه يجي نفس المكان بس أي حد يقوله أي حاجة يقوله لا، فهو بيجيلي تاني فببقي فاهم إنه جاي يوقف الصوت، فبسأله أنت جاي توقف الصوت فبيقولي لأ، بس كان نفسي إني أوقف الصوت وكده، ومن هنا بنبدأ نبقي صحاب، بعد كده بيبقي صاحبي وبيجيلي الحفلات دايمًا، وبيحب الجو اللي إحنا فيه، اللي هو الراب والدي چي والميكسات والبارتيهات والكلام ده، وبيتأقلم علي الجو وبيبدأ يحضر معايا كل الحفلات، اللي بعملها بعد كده، وبيجمعني برضو بمحمد ثروت بس يجمع بيني وبينه مشهد واحد بس، لأن كل مشاهدي مع شيكو، بس ده إطار الشخصية بتاعتي كلها إن أنا جار شيكو وبحب أمارس مهنة الدي چي جدًا، وفي الأول بسبب الأزمات ثم بعد كده بنبقي صحاب وبيحضر كل البارتيهات ليا”.

كواليس العمل في مسلسل اللعبة 4

يشار إلى أن هذا التعاون الأول، الذي جمع بين الممثل الشاب أحمد شاهين وبين النجم الكوميدي شيكو، وكشف شاهين عن كواليس العمل مع شيكو، قائلًا: “الكواليس كانت جميلة جدًا وكلها مواقف كوميدية، وشيكو شخص جميل ومحترم على المستوى الفني والشخصي”.

قصة مسلسل اللعبة 4

مسلسل اللعبة 4 “دوري الأبطال” تدور أحداثه عن وسيم الصريطي وهو الفنان شيكو، ومازو وهو الفنان هشام ماجد، اللذين يتنافسان في مجموعة من الألعاب على أرض الواقع، من أجل كسب مبالغ طائلة.

ويشارك في بطولة مسلسل اللعبة الجزء الرابع كل من شيكو، مي كساب، محمد أوتاكا، هشام ماجد، ميرنا جميل، محمود عاطف، سامي مغاوري، أحمد شاهين، والمسلسل من تأليف أحمد سعد والي ومحمد صلاح خطاب، ومن إخراج معتز التوني.

جميع الحقوق محفوظة لـ مجلة هافن HAVEN Magazine
Powered by Mohamed Hamed
error: Content is protected !!